गाउँ सहर

९५ लाख नेपाली रुपियाँसहित दुई जना भारतीय नागरिक पक्राउ

• गाउँ सहर संवाददाता
• ९ असोज शनिबार, २०७८ | १५:०१:०० मा प्रकाशित

काठमाडौँ । काठमाडौँको नागढुंगाबाट प्रहरीले ९५ लाख नेपाली रुपियाँसहित दुई जना भारतीय नागरिकलाई पक्राउ गरेको छ । पक्राउ पर्नेमा भारत घर भएका सागर माली र कृष्ण अढाडे रहेका छन् ।

चितवनबाट काठमाडौँ आउँदै गरेकाबेला स्रोत नखुलेको ९५ लाख रुपियाँसहित नागढुङ्गाबाट आज पक्राउ गरेको महानगरीय प्रहरी परिसर काठमाडौँका एसपी रमेश बस्नेतले जानकारी दिए ।

यात्रुबाहक माइक्रो बसको ८ र ९ नम्बर सिटमा बसेका दुवैको झोला चेकजाँच गर्दा सो नगद फेला परेको थियो । सो रकम अवैध हुन्डी कारोबारको हुनसक्ने प्रहरीको भनाई छ । मालिको साथबाट ४५ लाख र अढाडेको साथबाट ५० लाख फेला परेकाले थप अनुसन्धान भइरहेको एसपी बस्नेतले बताए ।