स्वास्थ्य

कोरोनाबाट थप ४४ जनाको मृत्यु, सक्रिय संक्रमितको संख्या ३८ हजार २८७

• गाउँ सहर संवाददाता
• ९ भदौ बुधबार, २०७८ | १६:४०:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा र सेनाले व्यवस्थापन गरेको तथ्यांकसहित ४४ जनाको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या १० हजार ६१२ पुगेको छ ।

पछिल्लो २४ घण्टामा १५ हजार २९० को परीक्षण हुँदा २ हजार ४८२ संक्रमित थपिएका छन् । 

आजसम्म जम्मा ३८ लाख ५९ हजार १५ पिसिआर र ४ लाख ४५ हजार ६५७ जनाको एन्टिजेन परीक्षण भएको छ । जसमा ७ लाख ५२ हजार ८६३ पिसिआरबाट संक्रमण पुष्टि भएका छन् भने एन्टिजेनबाट ८० हजार ५८७ पुष्टि भएका छन् ।

अहिलेसम्मका संक्रमितमध्ये ६२० सघन र १७० जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या गत २४ घण्टामा १ हजार ७८१ छ । योसहित कुल निको हुनेको संख्या ७ लाख ३ हजार ९६४ पुगेको छ ।

देशभरका क्वारेन्टाइनमा रहनेको संख्या ३९७ र होम आइसोलेशनमा रहेको संख्या ३५ हजार २५० छ भने संस्थागत आइसोलेशनमा रहेको संख्या ३ हजार ३७ छ । 

देशमा सक्रिय संक्रमितको संख्या ३८ हजार २८७ रहेको छ ।