अर्थतन्त्र

साताको अन्तिम कारोबार दिनमा नेप्से दोहोरो अंकले घट्याे

• गाउँ सहर संवाददाता
• २१ श्रावण बिहीबार, २०७८ | १६:०८:०० मा प्रकाशित

काठमाडाैं । साताको अन्तिम कारोबार दिनमा नेप्से दोहोरो अंकले घटेकाे छ । यसदिन ६ नेप्से १६ अंकले घटेर ३१०७.४५ बिन्दुमा राेकिएकाे छ ।

यसअघिका चार कारोबार दिनमा नेप्से ४३.३७ अंकले बढेको थियो । बुधबार सूचक ३१२३.१५ पुगी नयाँ रेकर्ड कायम गरेको थियो ।

यस दिन नेप्से २२६ कम्पनीको १ लाख ३५ हजार ४२ पटकको कारोबारमा १४ अर्ब ३१ करोड ६२ लाख ४९ हजार रुपैयाँ बराबरको २ करोड ८८ लाख ४५ हजार कित्ता शेयर खरिदबिक्री भएको छ ।

यस दिन नेपाल फाइनान्स, कर्णाली डेभलपमेन्ट बैंक, जीवन विकास लघुवित्त र युनियन लाइफ इन्स्योरेन्सको शेयर सकारात्मक सर्किट लेभलमा कारोबार भएको छ ।

त्यसैगरि युनिभर्सल पावर, हिमालयन पावर पार्टनर, शिवश्री हाइड्रोपावर, ग्रीनलाइफ हाइड्रोपावर, युनाइटेड मोदी र बरुण हाइड्रोपावरको शेयरमूल्य ५ प्रतिशतभन्दा बढी घटेको छ ।

यसैगरी अपि पावर, अरुण भ्याली, अरुण काबेली फस्ट माइक्रोफाइनान्स, ज्योति विकास बैंक, सानिमा माई हाइड्रोपावर, युनिभर्सल पावर, बुटवल पावर र युनाइटेड मोदी हाइड्रोपावरको शीर्ष दश ठूलो कारोबार भएको छ ।