खेल

रोहितको शतक, क्यानडालाई नेपालले दियो २३६ रनको लक्ष्य

• गाउँ सहर संवाददाता
• २५ असोज आइतबार, २०८३ | १४:४६:०० मा प्रकाशित

काठमाडौं । आईसीसी विश्वकप लिग २ अन्तर्गत नेपालले क्यानडालाई २३६ रनको लक्ष्य दिएको छ ।

ओमानस्थित अल अमिरातमा टस हारेर पहिले ब्याटिङमा उत्रिएको नेपालले ५० ओभरमा सबै विकेट गुमाएर २३५ रन जोड्यो ।

रोहित पौडेलले शतकीय इनिङ्स खेले । उनले १२६ बलमा १०१ रनको योगदान दिए । सो क्रममा उनले ८ चौका र १ छक्का प्रहार गरे ।

यस्तै, गुलशन झाले ४८, बसिर अहमदले ३०, अर्जुन कुमालले २३ रन जोडे ।

बलिङतर्फ क्यानडाका अखिल कुमारले चार तथा सुखजिन्दर सिंहले तीन विकेट लिए । यस्तै, जाहिद सिर्जादले दुई विकेट लिए ।

रोहितले दोस्रो शतक  २०२५ अक्टोबर ३० मा यूएईविरुद्ध बनाएका थिए। आईसीसी क्रिकेट विश्वकप लिग–२ अन्तर्गत दुबईमा भएको खेलमा उनले १ सय ९ रन बनाएका थिए।