स्वास्थ्य

काठमाडौंमा साउन २२ गतेदेखि भेरोसेलको दोस्रो डोज लगाइने

• गाउँ सहर संवाददाता
• १९ श्रावण मंगलबार, २०७८ | १४:००:०० मा प्रकाशित

काठमाडौं । काठमाडौंमा कोभिड–१९ विरुद्धको भेरोसेल खोपको पहिलो डोज लगाएका ६० देखि ६४ वर्ष उमेर समूहका नागरिक लगायतले २२ साउनदेखि दोस्रो डोज पाउने भएका छन् ।

जिल्ला स्वास्थ्य कार्यालय काठमाडौंका अनुसार भेरोसेलको पहिलो मात्रा लगाएर तीन साता पुरा भएकालाई दोस्रो डोज दिइने भएको हो ।

स्वास्थ्य कार्यालय काठमाडौंका प्रमुख बद्रीबहादुर खड्काले सूचना जारी गरी जेठ २५ गतेयता पहिलो डोज लगाएका जेष्ठ नागरिकसहितलाई २२–२४ साउनसम्म खोप लगाउने कार्यक्रम तय भएको जानकारी दिएका हुन् ।

खोपको पहिलो डोज लगाएको तीन हप्ता पूरा भएका नागरिकलाई काठमाडौंका सबै पालिकामा दोस्रो डोज खोप दिइने सूचनामा उल्लेख छ ।