स्वास्थ्य

नेपालमा हालसम्म कति जनसंख्याले कोरोना खोपको पहिलो डोज लगाए ?

• गाउँ सहर संवाददाता
• २८ पौष बुधबार, २०७८ | १३:३०:०० मा प्रकाशित

काठमाडाैं । देशकाे सिंङ्गाे जनसंख्याकाे लगभग आधा जनसंख्याले कोरोना खोपको पहिलो डोज लगाएका छन् ।

१ करोड ५२ लाख ४९ हजार १ सय २९ जनाले पहिलो डोज लगाएकाे स्वास्थ्य तथा जनसंख्या मन्त्रालयको तथ्यांकमा उल्लेख छ । 

स्वास्थ्य तथा जनसंख्या मन्त्रालयको तथ्यांक अनुसार कुल जनसंख्याको ५०.२ प्रतिशत हुन अाउँछ । 

 १ करोड १३ लाख ३६ हजार ५ सय ३८ जनाले पूरा डोज लगाएका छन् । जुन कुल जनसंख्याको ३७.३ प्रतिशत  हुन्छ ।

लक्षित जनसंख्यामा भने ७६.५ प्रतिशतले पहिलो डोज लगाएका छन् ।

केन्द्रीय तथ्यांक विभाग अनुसार नेपालमा १८ वर्षमाथिकाे जनसंख्या १ करोड ९९ लाख २२ हजार १ सय ६४ रहेको छ । 

जसअनुसार १८ वर्ष माथिका १ करोड ५१ लाख ८० हजार ६ सय ८८ जनाले खोपको पहिलो डोज लगाइसकेका छन् भने अब करिब ४८ लाख जनाले मात्र खोप लगाउन बाँकी छ । तर त्यसमध्ये कति विदेशमा रहेकाले पनि खोप लगाउन बाँकी रहेकाहरू अझै कम हुनसक्छन् । 

१८ वर्ष माथिका १ करोड १३ लाख ३५ हजार ७ सय ११ जनाले पूरा डोज लगाएका छन् ।  अथवा ५६.९ प्रतिशत मानिसहरूले खोपको पूरा डोज लगाएका छन् ।