खेल

प्रदेश खेलकुद परिषद गण्डकीका सदस्यहरुलाई  प्रशिक्षण

पोखरा । प्रदेश खेलकुद परिषद गण्डकीले सदस्यहरुलाई अभिमुखीकरण तथा नेतृत्व विकास प्रशिक्षण दिएको छ । पोखरामा उपलव्ध परिषदका सदस्य तथा कर्मचारीहरुलाई उक्त प्रशिक्षण दिइएको हो । उक्त अभिमुखीकरण तथा प्रशिक्षण कार्यक्रममा भिजनरी इन्टरनेशनलका सिइओ तथा ‘मोटिभेटर’ इन्द्र गुरुङले प्रशिक्षण दिएका थिए ।

गुरुङले नेपालमा व्यवसायिकता नभएका कारणले नै नेतृत्वमा असफलता देखिएको बताए ।नेतृत्व क्षमताका लागि आफूसँग हुनुपर्ने गुण, विषयको अध्ययनसँगै त्यसलाई प्रवाहकरण गर्ने क्षमता भएमा मात्रै सफलता हासिल हुने गुरुङले बताए ।

सो अवसरमा बोल्दै प्रदेश खेलकुद परिषद गण्डकीका सदस्य सचिव तेजबहादुर गुरुङले प्रदेश खेलकुद परिषद सिमित स्रोतका वावजुद पनि प्रदेशको खेलकुद विकासका लागि निरन्तर अघि बढ्ने बताए ।

प्रदेश खेलकुद खेलकुद विकास, संरक्षण, सम्व्रद्धनका लागि “राष्ट्रिय गरिमा र सामाजिक रुपान्तरण” को अभियान साथ अघि बढेको बताउँदै सदस्य सचिव गुरुङले अब चाँडै नै उत्कृष्ट प्रशिक्षक उत्पादन गर्ने तर्फ ध्यान केन्द्रित गरिने बताए ।

प्रदेश खेलकुद परिषद गण्डकीको कार्यकारी समितिको हालै सम्पन्न बैठकले इन्द्र गुरुङलाई सल्लाहकारमा मनोनयन समेत गरेको छ । भिजनरी इन्टरनेशनलका सिइओ समेत रहेका उनी नेपाल ओलम्पिक कमिटी साइकोलोजी कमिसनका चेयरपर्सन हुन । गुरुङ प्रखेप गण्डकीको पहिलो सल्लाहकार बनेका छन् ।

गाउँ सहर संवाददाता

तपाईँको मत