स्वास्थ्य

कोरोनाबाट थप २५ जनाको मृत्यु, संक्रमितमध्ये ५९२ सघनमा र १७२ जनाको भेन्टिलेटरमा उपचार हुँदै

• गाउँ सहर संवाददाता
• ५ श्रावण मंगलबार, २०७८ | १६:५४:०० मा प्रकाशित

काठमाडौँ । नेपालमा कोरोनाबाट पछिल्लो २४ घण्टामा २५ जनाको मृत्यु भएको छ । योसहित अहिलेसम्म कोरोनाबाट मृत्यु हुनेको संख्या ९ हजार ६०७ पुगेको छ ।

पछिल्लो २४ घण्टामा १३ हजार १३५ को परीक्षण हुँदा ३ हजार १०८ संक्रमित थपिएका छन् ।

अहिलेसम्मका संक्रमितमध्ये ५९२ सघनमा र १७२ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ५९५ छ । योसहित कुल निको हुनेको संख्या ६ लाख ३४ हजार ९२७ पुगेको छ ।

अहिलेसम्मका कुल संक्रमित ६ लाख ७० हजार ९५३ पिसिआर परीक्षणबाट र एन्टिजेन परीक्षणबाट ५० हजार ६६४ पत्ता लागेका हुन् । 

आजसम्म ३४ लाख ८६ हजार ३५४ जनाको पिसिआर परीक्षण  भएको छ भने एन्टिजेन विधिबाट २ लाख ७० हजार ९६१ को परीक्षण भएको छ ।

देशभरका क्वारेन्टाइनमा रहनेको संख्या ३२६ र होम आइसोलेशनमा रहेको संख्या २३ हजार ८३४ छ भने संस्थागत आइसोलेशनमा रहेको संख्या २ हजार ५८५ छ । 

देशमा सक्रिय संक्रमितको संख्या २६ हजार ४१९ रहेको छ । 

अहिलेसम्म दोस्रो मात्राको खोप प्राप्त गर्नेको संख्या ११ लाख ५८ हजार ३१७१३० पुगेको मन्त्रालयले जनाएको छ ।