स्वास्थ्य

गाउँमा कोरोना बढ्याे, थप २० जनाको मृत्यु, थपिए १ हजार ८३१, निको भए १ हजार ५३३

• गाउँ सहर संवाददाता
• २७ असार आइतबार, २०७८ | १६:४०:०० मा प्रकाशित

काठमाडौँ । नेपालमा कोरोनाबाट अहिलेसम्म ९ हजार ३८२ को मृत्यु भएको छ । कुल संक्रमित ६ लाख ९९ हजार ८८ पुगेका छन् भने निको हुने ६ लाख १९ हजार ८९४ छन् ।

पछिल्लो २४ घण्टामा मात्र २० जना कोरोना संक्रमितको मृत्यु भएको छ । पछिल्लो २४ घण्टामा ९ हजार २१८ को परीक्षण हुँदा १ हजार ८३४ संक्रमित थपिएका छन् । 

अहिलेसम्म भएका परीक्षण र पहिचान भएका संक्रमितमध्ये ५३३ सघनमा र १७५ जनाको भेन्टिलेटरमा उपचार भइरहेको मन्त्रालयले जनाएको छ ।

मन्त्रालयका अनुसार निको हुनेको संख्या १ हजार ५३३ छ । 

आजसम्म ३४ लाख १५ हजार ४७५ जनाको पिसिआर परीक्षण भएको छ भने एन्टिजेन विधिबाट २ लाख ३४ हजार ७७७ को परीक्षण गरिएकाे छ । देशभरका क्वारेन्टाइनमा रहनेको संख्या ३०४ र होम आइसोलेशनमा रहेको संख्या २३ हजार ४७१ छ भने संस्थागत आइसोलेशनमा रहेको संख्या २ हजार ७०२ छ ।

देशमा सक्रिय संक्रमितको संख्या २६ हजार १७३ रहेको छ ।

पछिल्लो समय निषेधाज्ञा खुलेसंगै कोभिड परीक्षण घटेको छ भने संक्रमणको दर दैनिक वृद्धि हुँदै गएको छ । तर मृत्यु भने घटेको छ । अहिलेपनि २० देखि ६० वर्ष उमेर समूहमा संक्रमण उचो छ ।

गाउँमा संक्रमण बढेको मन्त्रालयले बताएको छ ।