अर्थतन्त्र

 लगातार घटिरहेको शेयरमा दोहोरो अंकको वृद्धिसँगै कारोबार रकम पनि सुधार

• गाउँ सहर संवाददाता
• २४ असार बिहीबार, २०७८ | १५:२७:०० मा प्रकाशित

काठमाडाैं । लगातार घटिरहेको शेयरमा बिहीबार दोहोरो अंकको वृद्धिसँगै कारोबार रकम पनि बढेकाे छ । साताको अन्तिम कारोबार दिन नेप्से परिसूचक २३.७६ अंक बढेर २८२४.८९ विन्दुमा पुगेको छ । साताका ४ कारोबार दिनमा ४२.४७ अंक गुमाएको नेप्से यस दिन २३.७६ अंक माथि उक्लिएको हो ।

यस दिन कारोबार रकममा पनि सामान्य वृद्धि भएको छ । यस दिन २२३ कम्पनीको ५१ हजार ८६८ पटकको कारोबारमा ४ अर्ब ८१ करोड ५५ लाख २० हजार रुपैयाँबराबरको १ करोड ३१ लाख ४३ हजार कित्ता शेयर खरिदबिक्री भएको छ । बुधबार ४ अर्ब २२ करोड रुपैयाँको कारोबार भएको थियो ।

कारोबार रकमका आधारमा यस दिन नेपाल बैंक शीर्ष स्थानमा रहेको छ । सो बैंकको यस दिन २१ करोड १८ लाख रुपैयाँ बराबरको शेयर खरिदबिक्री भएको छ ।

यस दिन नेपाल बैंकको सबैभन्दा धेरै २१ करोड १८ लाख रुपैयाँ बराबरको शेयर खरिदबिक्री भएको छ । गुहेश्वरी फाइनान्सको शेयर मूल्य करिब १० प्रतिशतले बढेको छ । राष्ट्रिय बीमा कम्पनीको संस्थापक शेयरको मूल्य ६.११ प्रतिशत बढ्दा जोशी हाइड्रोपावर, घलेम्दी हाइड्रो, मल्टीपपर्स फाइनान्स र सिभिल लघुवित्तको शेयरमूल्य ५ प्रतिशतभन्दा बढी बढेको छ।

त्यसैगरी, यस दिन हिमालयन डिष्टिलरीको १७ करोड ४६ लाख रुपैयाँ बराबरको शेयर कारोबार भएको छ ।