वातावरण

काठमाडाैँलगायत देशका विभिन्न ठाउँमा गड्याङ्गगुडुङ्गसहित वर्षा

• गाउँ सहर संवाददाता
• १८ जेठ मंगलबार, २०७८ | १५:५७:०० मा प्रकाशित

काठमाडाैँ । हाल देशमा पश्चिमी वायु, स्थानीय वायु र भारतको विहार तथा यसको आसपास बनेको न्यून चापीय क्षेत्रको (Cyclonic Circulation)  सामान्य प्रभाव परेकाे कारण काठमाडाैँलगायत देशका विभिन्न स्थानमा गड्याङ्गगुडुङ्गसहित वर्षा भइरहेकाे छ ।

जल तथा माैसम विभागले पनि यहि अनुमान गरेकाे थियाे ।

देशका अधिकांश भू-भागमा सामान्य बदली रहेकाे छ । देशभर केहि स्थानहरूमा मेघगर्जन/चट्याङ्ग/हावाहुरी सहित हल्का वर्षा भइरहेको । प्रदेश १, बागमती, गण्डकी प्रदेश र सुदूर पश्चिम प्रदेशका एक दुई स्थानमा मध्यम वर्षा भइरहेकाे छ ।

यस्तै राति प्रदेश १ लगायत अन्य प्रदेशका पहाडी भू-भागमा आंशिक देखी सामान्य बदली र बाँकी भूभागमा आंशिक बदली रहेकाे र प्रदेश प्रदेश १ का थोरै स्थानहरु र बाँकी प्रदेशमा एक दुइ स्थानमा मेघगर्जन/चट्याङ्ग सहित हल्का सम्भावना रहेको विभागले बताएकाे छ ।