स्वास्थ्य

कोरोनाभाइरसको सक्रिय संक्रमण १ लाख ४ हजार ७८९ मा, थप ६८ जनाको मृत्यु, निकाे हुने ८०.२ प्रतिशत

काठमाडौँ । कोरोनाभाइरसको कारण नेपालमा पछिल्लो २४ घण्टामा ६८ जनाको मृत्यु भएको छ । योसहित कुल मृतकको संख्या ७ हजार ४५४ पुगेको छ । 

यो मृत्यु नेपाली सेनाद्वारा विभिन्न मितिमा शव व्यवस्थापन गरेका समेत हुन् । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा दुबै विधिबाट २० हजार  १६५ को परीक्षण गरिएकोमा ६ हजार ८५ नयाँ संक्रमित थपिएका छन् । योसहित कुल संक्रमितको संख्या ५ लाख ६६ हजार ५८७ पुगेको छ ।

मन्त्रालयका अनुसार पछिल्लो २४ घण्टामा ६ हजार ८९८ जना निको भएका छन् । योसहित कुल निको हुनेको संख्या ४ लाख १८ हजार ८२९ पुगेको छ । निको हुने दर ८०.२ प्रतिशत रहेको छ । अहिले देशका क्वारेन्टाइनमा रहनेको संख्या ७२५ रहेको छ ।

मन्त्रालयका अनुसार अहिले देशभरमा १ लाख ४ हजार ७८९ सक्रिय संक्रमित रहेका छन् । मन्त्रालयका अनुसार देशभरका अस्पतालहरुमा १ हजार ४९१ को आइसियूमा र ४०४ जनाको भेन्टिलेटरमा उपचार भइरहेको छ । उसका अनुसार अहिले होम आइसोलेशनमा रहनेको संख्या ९७ हजार ७०४ र संस्थागत आइसोलेशनमा रहनेको संख्या ७ हजार ८५ छ ।

पछिल्लो समय कोरोना कहर बढ्दै जाँदा कोरोनाको चेन ब्रेक गर्न धेरै स्थानहरुमा कडा निषेधाज्ञा जारी गरिएको छ ।

पछिल्लो २४ घण्टाको तथ्याँकले पनि २० वर्ष ५९ वर्ष समूहमा सबैभन्दा बढी संक्रमण देखिएको छ । तर पहिलेको भन्दा अवस्था सुधार हुँदै गएको मन्त्रालयको भनाइ छ ।

देशभर आजसम्म ३० लाख ७४ हजार ५७१ को पिसिआर परीक्षण भइसकेको मन्त्रालयले बताएको छ ।

गाउँ सहर संवाददाता

तपाईँको मत