गाउँ सहर

सर्वोच्च अदालतमा प्रतिनिधिसभा विघटनविरुद्ध परेका रिट निवेदनमा आजदेखि सुनुवाइ हुने

काठमाडौं । सर्वोच्च अदालतमा प्रतिनिधिसभा विघटनविरुद्ध परेका रिट निवेदनमा आजदेखि सुनुवाइ हुने भएको छ ।

नेपाली कांग्रेसका सभापति शेरबहादुर देउवालाई बहुमत सांसदको समर्थन हुँदाहुँदै राष्ट्रपतिले प्रधानमन्त्री नियुक्त नगरेकोभन्दै परेको रिटमा सर्वोच्च अदालतले आजदेखि सुनुवाइ सुरु गर्ने भएको हो । 

आजदेखि १९ रिटमा सुनुवाइ हुने र शुक्रबार बाँकी ११ रिटको सुनुवाइ हुने सर्वोच्चले जनाएको छ ।  

सर्वोच्च अदालतमा प्रतिनिधिसभालाई पुनःस्थापना गर्नुपर्ने माग गर्दै २६ तथा केपी शर्मा ओलीलाई नै प्रधानमन्त्रीमा नियुक्ति गर्नुपर्ने र तोकिएका समयमा निर्वाचन गर्नुपर्ने विषयमा चार रिट निवेदन दर्ता भएका छन्।     

पूर्व प्रधानमनत्री द्वय नेकपा एमालेका नेता माधवकुमार नेपाल र झलनाथ खनाल तथा अर्का पूर्व प्रधामन्त्री एवं माओवादी केन्द्रका अध्यक्ष पुष्पकमल दाहाल प्रचण्डसहित १४६ जना सांसदसहित कांग्रेस सभापति देउवा रिट लिएर सर्वोच्च पुगेका थिए ।

देउवालाई १४९ सांसदले प्रधानमन्त्रीका लागि समर्थन गरे पनि दाबी नपुगेको भन्दै राष्ट्रपतिले सरकारको सिफारिसमा सोही दिन प्रतिनिधि सभा विघटन गरेकी थिइन् । राष्ट्रपतिको सोही कदमपछि कांग्रेससहित विपक्षी ५ दलका सांसद प्रतिनिधि सभा विघटन विरूद्ध सर्वोच्च गएका थिए । विपक्षी गठबन्धन राजनीतिक र कानुनी लडाइँ सँगसँगै लड्नेभन्दै अगाडि बढेका हुन् । 

गाउँ सहर संवाददाता

तपाईँको मत