स्वास्थ्य

कोरोनाबाट अहिलेसम्मकै सबैभन्दा बढी २८ जनाको मृत्यु, भयावहको संकेत

• गाउँ सहर संवाददाता
• १२ बैशाख आइतबार, २०७८ | १७:२९:०० मा प्रकाशित

काठमाडौँ । नेपालमा पछिल्लो २४ घण्टामा कोरोनाका कारण ज्यान गुमाउनेको संख्या २८ रहेको छ । योसहित कुल मृतकको संख्या ३ हजार १६४ पुगेको छ । 

काठमाडौँ उपत्यकामा थप १ हजार ४ सय ९८ जनामा संक्रमित थपिएका छन् ।

काठमाडौँका १ हजार १ सय ३२, ललितपुरका २७० तथा भक्तपुरका ९६ जनामा संक्रमण पुष्टि भएको हो । देशभर २५२ जनाको आइसियु तथा ६५ जनाको भेन्टिलेटरमा उपचार भइरहेको छ ।

पछिल्लो २४ घण्टामा ३ हजार १२२ जना नयाँ संक्रमित थपिएका छन् । योसहित कुल संक्रमितको संख्या ३ लाख ११९ पुगेको छ । यस्तै पछिल्लो २४ घण्टामा निको हुनेको संख्या ४५० छ । योसहित कुल स्वास्थ्य लाभ गर्नेको संख्या २ लाख ७७ हजार ५७३ पुगेको छ ।

मन्त्रालयका अनुसार अहिले देशमा सक्रिय केश १९ हजार ३८२ रहेको छ । यस्तै क्वारेन्टाइनमा रहनेको संख्या ६९ छ । 

गत २४ घन्टामा ९ हजार २ सय ९२ पीसीआर तथा ७८६ एन्टिजेन परीक्षण भएको छ ।