अर्थतन्त्र

साताको अन्तिम कारोबार दिन नेप्से परिसूचकमा दाेहाेराे अंककाे बृद्धि

• गाउँ सहर संवाददाता
• ९ बैशाख बिहीबार, २०७८ | १५:४३:०० मा प्रकाशित

काठमाडाैं । साताको अन्तिम कारोबार दिन नेप्से परिसूचक दाेहाेराे अंकले बढेकाे छ । यसदिन नेप्से १५.८० अंकले बढेर २६४८ बिन्दुले बढेकाे छ ।

त्यसैगरी, यस दिन सेन्सेटिभ इण्डेक्स ३.२१ अंक, फ्लोट इण्डेक्स १.१ अंक र सेन्सेटिभ फ्लोट इण्डेक्स ०.८६ अंक बढेको छ।

२१४ कम्पनीको ७५ हजार १०८ पटकको कारोबारमा ५ अर्ब ९१ करोड ५१ लाख ३९ हजार रुपैयाँ बराबरको १ करोड ३० लाख ३२ हजार कित्ता शेयर खरिदबिक्री भएको छ । अघिल्लाे दिनभन्दा यस दिन कारोबार रकममा पनि केही सुधार भएको छ । 

यसदिन बिशाल बजार कम्पनी, सिन्धु विकास बैंक, ज्योति लाइफ, महिला लघुवित्त, ग्रीन डेभलपमेन्ट बैंक र नेपाल क्रेडिट एण्ड कमर्स बैंकको शेयर मूल्य करिब १० प्रतिशतले बढेको छ ।

त्यस्तै हिमालयन ऊर्जा विकास, पञ्चकन्या माइ हाइड्रो, मञ्जुश्री फाइनान्स, हिमाल दोलखा हाइड्रोपावर र चन्द्रागिरी हिल्स लगायतको शेयरमूल्य उच्चदरले घटेको छ ।

कारोबार रकमका आधारमा यस दिन नेपाल क्रेडिट एण्ड कमर्श बैंक शीर्ष स्थानमा रहेको छ । सो बैंकको यस दिन ६२ करोड २७ लाख रुपैयाँभन्दा बढीको शेयर खरिदबिक्री भएको छ ।