स्वास्थ्य

पछिल्लो २४ घण्टामा चारकाे मृत्यु, २६६ नयाँ काेराेना संक्रमित थपिए, १०२ जनाले गरे स्वास्थ्य लाभ

• गाउँ सहर संवाददाता
• २३ चैत सोमबार, २०७७ | १६:१७:०० मा प्रकाशित

काठमाडौँ । पछिल्लो २४ घण्टामा नेपालमा कोरोनाका नयाँ संक्रमित २६६ जना थपिएका छन् । थपिएकासहित कुल संक्रमितको संख्या २ लाख ७८ हजार २१० पुगेको छ । 

कोरोनाबाट पछिल्लो २४ घण्टामा मृत्यु हुनेको संख्या चार छ । अहिलेसम्म कुल मृतकको संख्या ३ हजार ३६ रहेको छ । 

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा स्वास्थ्य लाभ गर्नेको संख्या १०२ छ । योसहित कुल स्वास्थ्य लाभ गर्नेको संख्या २ लाख ७३ हजार ३४२ पुगेको छ । 

मन्त्रालयका अनुसार आजसम्म २२ लाख ८९ हजार ८२४ को पिसिआर टेस्ट भएको छ । अहिले देशभरका आइसोलेशनमा १ हजार ८३२ र क्वारेन्टाइनमा रहनेको संख्या ६४ छ ।

छिमेक राष्ट्रहरुमा संक्रमण बढेसँगै मन्त्रालयले सावधानी अपनाउन आग्रह गरेको छ । सीमा नाकामा कडाईसँगै चेकजाँच समेत बढाइएको छ । पछिल्लो समय देशमा संक्रमितको दर बढ्दो छ ।