बुधबारमात्रै भारतमा ७२ हजार बढी कोरोना संक्रमित थपिए

स्वास्थ्य

काठमाडौँ । भारतमा कोरोनाको कहर बढेको छ । बुधबारमात्र त्यहाँ ७२ हजार ७२ नयाँ संक्रमित थपिएका छन् ।

त्यहाँको स्वास्थ्य विभागका अनुसार ४० हजार ४१७ जनाले स्वास्थ्य लाभ गरेका छन् भने ४५८ जनाको बुधबार मृत्यु भएको छ ।

यसअघि १० अक्टूबरमा ७४ हजार ४१८ नयाँ संक्रमित थपिएका थिए । बितेको ११६ दिनमा यो आंकडा सबैभन्दा बढी भएको विभागले बताएको छ ।

भारतमा १.२२ करोड कुल संक्रमित पुगेका छन भने १.१४ करोडले स्वास्थ्य लाभ गरेका छन् । १.६२ लाखले ज्यान गुमाए भने ५.०८ लाखको उपचार भइरहेको छ ।

उता भारतमा संक्रमणकाे दर बढ्दा नेपालमा जाेखिम बढेकाे छ । सीमा नाकामा चेकजाँच उच्च बनाइएकाे छ ।