अर्थतन्त्र

मंगलबार ९८ वटा कम्पनीको सेयर मूल्य बढ्दा ६६ कम्पनी ओरालो, १४ को स्थिर

• गाउँ सहर संवाददाता
• १० चैत मंगलबार, २०७७ | १५:४१:०० मा प्रकाशित

काठमाडौं । मंगलबार नेप्से सूचक १४.५७ अंकले बढेर २५२८.९५ विन्दुमा पुगेको छ भने सेन्सेटिभ सूचक पनि सामान्य बढेको छ ।

यस दिन २०८ वटा कम्पनीको १ करोड २ लाख ७६ हजार ७१० कित्ता शेयर ५ अर्ब १४ करोड १८ लाख ९७ हजार १६९ रुपैयाँमा खरिदबिक्री भएको छ ।

 

यो दिन ९८ वटा कम्पनीको सेयर मूल्य बढ्दा ६६ वटा कम्पनीका सेयरधनीले गुमाएका छन् भने १४ वटा कम्पनीको सेयर मूल्य स्थिर छ ।

मंगलबार पनि हाइड्रोपावर कम्पनीहरुमा लगानीकर्ताको आकर्षण बढी देखिएको छ । यस दिन पाँच वटा हाइड्रोपावरको शेयर सकारात्मक सर्किट लेभलमा कारोबार भएको छ भने अन्य हाइड्रोपावर कम्पनीहरुको शेयरमूल्य पनि उच्च दरले बढेको छ ।

सबैभन्दा कमाउने शीर्ष कम्पनीमा साल्ट ट्रेडिङ, चन्द्रागिरि हिल्स, रसुवागढी हाइड्रोपावर, कालिका पावर कम्पनी र साञ्जेन जलविद्युत कम्पनी छन् ।

त्यसैगरी सबैभन्दा बढी गुमाउने शीर्ष कम्पनीमा पञ्चकन्या माइ हाइड्रोपावर, सप्तकोसी डेभलपमेण्ट बैंक, हिमालयन पावर पार्टनर, अरुण भ्याली हाइड्रोपावर र युनाइटेड फाइनान्स लिमिटेड छन् ।

चन्द्रागिरि हिल्सको कारोबार आज पनि लगातार बढेर प्रतिकित्ता सेयर मूल्य १ हजार ७१९ रुपैयाँ पुगेको छ ।

मंगलबार नेपाल इन्फ्रास्ट्रक्चर बैंकको सबैभन्दा धेरै ५२ करोड ६० लाख रुपैयाँ बराबरको शेयर कारोबार भएको छ भने अपर तामाकोशीको ३२ करोड ८१ लाख रुपैयाँ बराबरको शेयर कारोबार भएको छ ।