अर्थतन्त्र

सुनको भाउ तोलामा ३ सय रुपैयाँले घट्याे, चाँदीको मूल्य पनि ओरालो

• गाउँ सहर संवाददाता
• १० चैत मंगलबार, २०७७ | १३:५१:०० मा प्रकाशित

काठमाडाैं । सुनचाँदीको भाउ लगातार दोश्रो दिन गिरावट भएको छ । चैत १० गते, मंगलबार सुनको भाउ तोलामा ३०० रुपैयाँले घटेको हो ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला ८६ हजार ७०० रुपैयाँमा र तेजाबी सुन प्रतितोला ८६ हजार २५० रुपैयाँमा खरिदबिक्री भइरहेको छ । अघिल्लो कारोबार दिन पनि सुनको भाउ तोलामा २०० रुपैयाँले ओरालो लागेर प्रतितोला ८७ हजार रुपैयाँ तोकिएको थियो ।

मंगलबार सुनसँगै चाँदीको मूल्य पनि ओरालो लागेको छ । यस दिन चाँदी तोलामा १० रुपैयाँले घट्दा प्रतितोला एक हजार २५० रुपैयाँमा किनबेच हुँदैछ । सोमबार पनि चाँदीको मूल्य २० रुपैयाँले गिरावट भएर प्रतितोला एक हजार २६० रुपैयाँमा खरिदबिक्री भएको थियो ।