अर्थतन्त्र

उकालो लागिरहेको सुनचाँदी बजारमा मंगलबार सामान्य वृद्धि

• गाउँ सहर संवाददाता
• ७ चैत मंगलबार, २०७९ | ११:५०:०० मा प्रकाशित

काठमाडौँ । नेपाली सुनचाँदी बजारमा  पछिल्लो समय  सुनचाँदीको मूल्य निरन्तर उकालो लागिरहेको छ । नेपाली बजारमा मंगलबार सुनचाँदीको मूल्य सामान्य वृद्धि भएको हो ।

नेपाल सुनचाँदी व्यवसायी महासंघले आज सुनको मूल्य तोलामा ५०० र चाँदीको मूल्य तोलामा १० रुपैयाँले बढेको जानकारी दिएको हो । महासंघका अनुसार आज सुनको मूल्य तोलामा ५०० रुपैयाँले बढेर १ लाख ९ हजार ८०० रुपैयाँ पुगेको छ ।  तेजाबी सुनको मूल्य तोलामा १ लाख ९ हजार ३०० रुपैयाँ कायम भएको महासंघले जनाएको छ ।

यस्तै, आज चाँदीको मूल्य तोलामा १० रुपैयाँले बढेर १३ सय ४० रुपैयाँ पुगेको हो ।