समाज

पोखराको सिलिङ्गे महिला चेतना समूहमा निर्विरोध नयाँ कार्यसमिति

पोखरा । पोखरा महानगरपालिका वडा नंं ३३ मा कृयाशिल सिलिङ्गे महिला चेतना समूहको चौधौं साधारणसभा एवम् छैटौं अधिवेशनले कर्णकुमारी महतको अध्यक्षतामा निर्विरोध नयाँ कार्यसमिति निर्वाचित गरेको छ ।

समितिको उपाध्यक्षमा सरला महत, सचिवमा सीता केसी महत, कोषाध्यक्षमा डीलमाया थापा र सहसचिवमा सविता आचार्य पौडेल रहेका छन् । त्यस्तै सदस्यहरूमा सुनिता अर्याल महत, विष्णु पौडेल, कोपिला क्षेत्री, गंगा क्षेत्री, लक्ष्मी जमरकट्टेल पौडेल, भूमिका आचार्य पौडेल, रीता विक र जौमाया विक निर्विरोध  निर्वाचित भएका छन् ।

अधिवेशनको उद्घाटन गर्दै पोखरा महानगरपालिका वडा नं ३३ की वडा सदस्य शोभा नेपालीले वर्तमान समयमा  महिलाहरूको जागरुकता आवश्यक भएको बताइन् ।

कोषाध्यक्ष निर्मला पौडेलले आर्थिक प्रतिवेदन सर्वसम्मत पारित गरिएको कार्यक्रममा समाजसेवी गुरुप्रसाद पौडेलले समाजिक जागरणमा महिलाको भूमिका महत्वपूर्ण हुनेमा जोड दिए । समूहकी अध्यक्ष लक्ष्मी पौडेलको अध्यक्षतामा सम्पन्न कार्यक्रमको सञ्चालन सचिव इन्दिरा पौडेलले तथा स्वागत सल्लाहकार सुनिता अर्यालले गरेका थिए ।

गाउँ सहर संवाददाता

तपाईँको मत