गाउँ सहर

एग्रो टुरिजम सहकारीका साधारणसभामा पौडेल सहित विभिन्न व्यक्तित्व सम्मानित

• गाउँ सहर संवाददाता
• ६ असोज शनिबार, २०८० | २१:०८:०० मा प्रकाशित

पोखरा । एग्रो टुरिजम सहकारी संस्था लिमिटेडको दोस्रो वार्षिक साधारणसभा एक समारोहका बीच आज सम्पन्न भएको छ । साधारणसभाका अवसरमा राष्ट्रिय समाचार समितिका गण्डकी प्रदेश कार्यालय प्रमुख वासुदेव पौडेललाई एग्रो टुरिजम अग्रज पत्रकार सम्मानबाट सम्मानित गरिएको छ ।

समाचार सम्प्रेषणका माध्यमबाट कृषि  पर्यटनका क्षेत्रमा विशिष्ट योगदान पुु-याएको भन्दै  पौडेललाई नगद, दोसल्ला र सम्मानपत्रबाट सम्मान गरिएको हो ।

उक्त अवसरमा उत्कृष्ट मुद्दती बचत कर्ताबाट मनुुमाया खत्री, उत्कृष्ट दैनिक बचत कर्ताबाट प्रमोद अधिकारी, साजन अधिकारी र सन्तोष पौडेल, उत्कृष्ट खुत्रुके बचत कर्ताबाट सजित लामगादे, उत्कृष्ट असल ऋणीबाट बसन्ती बानीया, उत्कृष्ट कृषि उद्यमी व्यवसायबाट श्याम रायमाझीलाई सम्मान गरियो । त्यस्तै उत्कृष्ट पर्यटन व्यवसायीबाट भुवनबहादुर आचार्य, युवा उद्यमी पुरस्कारबाट प्रयासी गुरुङ, महिला उद्यमी पुरस्कारबाट विष्णुमाया आचार्य, उत्कृष्ट कर्मचारी पुरस्कारबाट विन्दुुमाया शर्मालाई सम्मान गरियो । उत्कृष्ट ज्येष्ठ नागरिकमा महिलातर्फ राधिका कोइराला, पुरुषतर्फ बद्रीनाथ पहारी, एग्रो टुरिजम कृषि उद्यमी व्यापार सम्मानबाट खिमलाल सुवेदीलाई सम्मान गरियो ।

सहकारीले एसइइ २०८० सम्मानबाट कामना आचार्य र विधाता बस्ताकोटी एवम् प्लसटुुतर्फ अनमोल आचार्य, कुसुम जिसी, सन्ध्या सुवेदी, निर्दोष कार्की, शरदा गिरी र प्रिया नेपालीलाई सम्मान ग-यो ।

साधारणसभाको गण्डकी प्रदेशका सामाजिक विकास तथा स्वास्थ्य मन्त्री सुुशिला सिम्खडाले उद्घाटन गर्दै कृषि र पर्यटनलाई जोड्न सकेमा त्यसले आम सर्वसाधारणलाई उत्पादनसँग जोड्ने बताउँदै आर्थिक समृद्धिका लागि उत्पादनमा जोडिनु आवश्यक भएको बताइन् ।

सहकारीका अध्यक्ष डिल्लीराम बरालले कृषि तथा पर्यटनको पूर्वाधारको विकास गर्दै उद्यमशीलता मार्फत रोजगारीको सिर्जना गरी गरिबी न्यूनीकरण गर्नका लागि एग्रो टुरिजमको अवधारणा अघि बढाइएको बताए ।