गाउँ सहर

प्रतिनिधिसभा विघटन बदरकाे फैसला आएपछि ईश्वर पोखरेलकाे मध्यरातमा ‘यात्रा’

• गाउँ सहर संवाददाता
• १२ फाल्गुण बुधबार, २०७७ | ०६:१२:०० मा प्रकाशित

काठमाडौं । प्रतिनिधिसभा विघटन गर्ने सरकारको निर्णयलाई सर्वोच्च अदालतले बदर गरेपछि नेपाल कम्युनिष्ट पार्टी (प्रचण्ड-माधव पक्ष) का नेताहरूले त्यसको स्वागत गरेका छन् ।

राष्ट्रपति र प्रधानमन्त्री मिलेर चालेको कदम अवैध ठहर भएको भन्दै दुवैजनाले नैतिकताको आधारमा राजीनामा दिनुपर्ने नत्र एकसाथ अविश्वास र महाभियोग प्रस्तावको सामना गर्नुपर्ने बताएका छन् ।

उपप्रधानमन्त्री ईश्वर पोखरेलले भने फैसला आएकाे मध्यरातमा मान्छेले लड्दै उठ्दै कमजाेरीबाट पाठ सिक्ने बताएका छन् । उनले राति सामाजिक सञ्जालमा यात्रा कविता लेखेका छन् । उनल लेखेकाे कविता जस्ताकाे तस्तै:

  यात्रा
लड्दै उठ्दै र लड्दै उठ्दै 
हिंड्न सिकेका मानिसहरू ।
अनगिन्ती कमजोरीबाट 
पाठ सिक्दै उठ्न सिकेका मानिसहरू ।
अनुभवका पाठशालामा 
पढ्दैर सिक्दै पोख्त बनेका मानिसहरू ।
अनेक लडाईंमा रगतपच्छे भएर पनि 
बाँच्न सिकेका मानिसहरू ।
दुष्चक्र विरूद्धको लडाईंमा पनि 
जित्छन् र जितिछाड्छन् मानिसहरू ।
कमजोरीमा किचिएर होइन ( 
कमजोरीलाई पराजित गर्दै 
गन्तव्य लक्षित बनेर हिंडिरहन्छन् मानिसहरू (
चिरन्जिवी बनिछाड्छन् मानिसहरू ११