अर्थतन्त्र

अध्यक्ष बन्न नपाएपछि ईश्वर पोखरेलका ‘सम्धी’ कोइरालाले दिए राजीनामा

• गाउँ सहर संवाददाता
• २४ पौष शुक्रबार, २०७७ | १५:५५:०० मा प्रकाशित

काठमाडाैं । उपेन्द्रकुमार कोइरालाले राष्ट्रिय वाणिज्य बैंकका सञ्चालक समितिबाट राजीनामा दिएका छन् । वाणिज्य बैंकको हिजो बसेको सञ्चालक समिति बैठकबाट कोइरालाले अर्थ मन्त्रालयलाई राजीनामा पत्र बुझाएका हुन् ।

रक्षामन्त्री ईश्वर पोखरेलका सम्धी समेत रहेका कोइरालालाई तत्कालीन अर्थमन्त्री युवराज खतिवडाको जोडबलमा सञ्चालक समिति अध्यक्ष बनाउने गरी नियुक्त गरिएको थियो । तर शुक्रबार सञ्चालक समिति अध्यक्षमा धनीराम शर्मा नियुक्त भएका थिए ।

अहिलेका अर्थमन्त्री विष्णु पौडेलको चाहनामा शर्मा बैंक अध्यक्ष बनेपछि कोइरालाले राजीनामा दिएकाे बुझिएकाे छ ।  

गत भदौमा तत्कालीन अर्थमन्त्री खतिवडाले मन्त्रीस्तरीय निर्णय गरेर उनलाई सञ्चालक समिति सदस्यमा नियुक्त गरेका थिए । 

उपप्रधान ईश्वर पोखरेलका ‘सम्धी’ कोइरालालाई राजनीतिक नियुक्ति दिइएको भन्दै तीव्र विरोध भएको थियो । कोइरालालाई अध्यक्ष बनाउन लागेकोमा व्यापक विरोध भएपछि सरकार पछि हटेको छ ।