प्रधानमन्त्री कप : उपाधिका लागि आर्मी र एपीएफ भिड्ने
- गाउँ सहर डेस्क
- १५ माघ बिहीबार, २०७७ | १६:३८:०० मा प्रकाशित
काठमाडौँ । प्रधानमन्त्री कप पुरुष राष्ट्रिय क्रिकेट प्रतियोगिताको उपाधिका लागि त्रिभुवन आर्मी क्लब र सशस्त्र प्रहरी बल (एपीएफ) भिड्ने भएको छ । दोस्रो सेमीफाइनल खेलमा बागमती प्रदेशलाई ९५ रनले हराएपछि आर्मीले फाइनलमा एपीएफसँगको भेट तय गरेको हो । त्रिभुवन आर्मी लगातार तेस्रो पटक प्रधानमन्त्री कप क्रिकेटको फाइनलसम्मको यात्रा तय गरेको छ ।
एपीएफले पहिलो सेमीफाइनलमा नेपाल पुलिसलाई हराएर फाइनलसम्म पुगेको हो । उपाधिका लागि आर्मी र एपीएफ शनिबार कीर्तिपुरस्थित त्रिवि क्रिकेट ग्राउन्डमा भिड्ने भएका छन् ।
त्रिभुवन आर्मीले प्रस्तुत गरेको २३० रनको लक्ष्य पछ्याउँदै बागमतीले ४० ओभर २ बल खेलेपनि १३५ रन मात्रै बनाउन सक्यो । १८ रनमै पाँच विकेट गुमाएको बागमतीले कमजोर सुरुवात गर्यो । मध्यक्रममा कप्तान ज्ञानेन्द्र मल्लले सर्वाधिक ४७ रनको योगदान दिएका छन् । बिपीन आचार्यले २३ तथा नन्दन यादबले २२ रनको पारी खेले पनि जितका लागि अपर्याप्त भयो ।
बागमतीलाई सस्तोमै समेट्न जितेन्द्र मुखियाले सर्वाधिक चार विकेट लिए । उजले आठ ओभर २ बलमा २४ रन खर्चेर ओपनर आदिल खानसहित विभत्सु थापा, इशान पाण्डे र तिलक भण्डारीको विकेट लिए । अर्का बलर बिक्रम सोबले दश ओभरमा २५ रन खर्चेर तीन विकेट लिए । सुशन भारीले दश ओभरमा ३६ रन खर्चेर तीन विकेट लिए ।
त्यसअघि टस हारेर पहिला ब्याटिंग गरेका त्रिभुवन आर्मी क्लबले बागमती प्रदेश समक्ष २३० रनको लक्ष्य प्रस्तुत गरेको थियो । आर्मीले ८० रनमै पाँच विकेट गुमाएर कमजोर सुरुवात गर्यो । ओपनर हरि चौहानले ३ तथा अनिलकुमार मण्डलले दुई रन बनाएर पेभेलियन फर्केपछि सुरुवाती दबाबमा आएको आर्मीले २६ औं ओभरसम्म उक्त दबाबबाट बाहिर आउन सकेनन । मध्यक्रममा राजेश पुलामी मगर र बिक्रम सोबले सातौं विकेटका लागि ९२ रनको साझेदारी गर्दै आर्मीलाई सामान्य योगफलमा समेटिनबाट जोगाउँदै सेमीफाइनलको स्पर्धालाई मजबूत बनाए ।
पुलामीले ९१ बलमा चार चौका र दुई छक्कासहित ६५ रनको उत्कृष्ट पारी खेले । बिक्रम सोबले ३५ रनको महत्वपूर्ण पारी खेले । त्यसअघि, भिम सार्कीले ६१ बलमा ४० रनको पारी खेलेर आर्मीको पारी उकास्न सहयोग गरे । सुशन भारीले १६ रनको योगदान दिएर अन्तिम बलमा रन आउट हुँदा आर्मीले ५० ओभरमा २२९ रनको औसत योगफल तयार गर्न सफल भयो ।
बागमतीका लागि गौतम केसीले सुरुवाती ३ विकेट लिएर आर्मीमाथि दबाब बनाउन सफल भए । उनले दश ओभरमा ६१ रन खर्चेर पाँच विकेट लिए । नन्दन यादबले दश ओभरमा मात्र ३७ रन खर्चेर एक विकेट लिए । राम नरेश गिरी, तिलक भण्डारी र बिपीन आचार्यले समेत एक एक विकेट लिन सफल भए ।
गाउँ सहर डेस्क
डेस्क गाउँ सहर डटकम टीमकाे टेवलवर्क हाे ।
- यसकारण पक्राउ परे दिल्लीका मुख्यमन्त्री अरविन्द केजरीवाल
- सरस्वतीलाई पानीमा र कमलको फूलमाथि नै किन देखाइन्छ ?
- नेपालमा २०.२७ प्रतिशत जनता गरिबीको रेखामुनि
- प्रतिपक्षी दलले बहिष्कार गरेकाे चुनावमा शेख हसिना विजयी, चौथो पटक प्रधानमन्त्री बन्ने
- विदेशिने विद्यार्थी तथा युवालाई यसरी सकिन्छ राेक्न
- आज विश्व माटो दिवस : यसकारण जोगाऔं माटो
- जाडाेमा एमालेले मध्य पहाडी लोकमार्गमा थालेकाे पदयात्राकाे सन्देश
- काठमाडाैं उपत्यकामा ‘निषेधाज्ञै निषेधाज्ञा’
- विश्वकप उपाधिका लागि आज भारत र अस्ट्रेलिया भिड्दै, बिजेता र उपबिजेताले कति रुपैयाँ पाउँछन् ?
- बहुउपयोगी गाई पुज्नुकाे महिमा, वैज्ञानिक, धार्मिक र व्यवहारिक महत्वका विविध पक्ष
प्रतिकृया दिनुहोस