सेवा

पोखरामा कृषि विकास बैंकको ५४ औं वार्षिकोत्सवको अवसरमा खुल्ला रक्तदान

पोखरा । कृषि विकास बैंकको ५४ औं वार्षिकोत्सवको अवसरमा बैंकमा क्रियाशिल दुईवटा कर्मचारी संगठन नेपाल वित्तीय संस्था कर्मचारी संघ र कृषि विकास वैंक कर्मचारी संगठन नेपालको संयुक्त आयोजनामा ५४ युनिट रगत संकलन  गर्दै खुल्ला रक्तदान कार्यक्रम सम्पन्न भएको छ ।

संयुक्तरुपमा आयोजित रक्तदान कार्यक्रमको अध्यक्षता दुवै युनियनका अध्यक्ष भेषराज घिमिरे एवं बद्रिनारायण पौडेलले संयुक्त रुपमा गरेका थिए । कृषि विकास बैंक, पोखराको प्राङ्गणमा  सम्पन्न भएको  कार्यक्रमको संचालन कृषि विकास वैंक लि कर्मचारी संगठनका सह–संयोजक सन्तोष थापाले गरेका थिए भने स्वागत मन्तव्य राजेन्द्र सुवेदीले दिएका थिए ।

कार्यक्रममा  मुख्य शाखा प्रबन्धक माधव रिजाल, नेपाल रेडक्रस सोसाइटी कास्कीका सभापति डोलराज पाण्डे तथा प्रमुख अतिथि निर्देशक रघुनाथ न्यौपानेले शुभकामना मन्तव्य दिएका थिए ।

वार्षिकोत्सवकै अवसरमा पोखरा विन्ध्यवासिनी मन्दिरमा शुद्ध पिउने पानीको लागि मेसिन वितरण  गरिएको छ । मन्दिर व्यवस्थापनको तर्फबाट तीर्थ श्रेष्ठलाई कृषि विकास बैंकका निर्देशक रघुनाथ न्यौपानेले सामग्री हस्तान्तरण गरेका थिए ।

गाउँ सहर संवाददाता

तपाईँको मत