खेल

राष्ट्रिय महिला लिग फुटबल आजबाट : दुई विभागीय टिम भिड्दै

• गाउँ सहर संवाददाता
• ७ माघ बुधबार, २०७७ | ०८:३८:०० मा प्रकाशित

काठमाडौं । अखिल नेपाल फुटबल संघ (एन्फा) को आयोजनामा राष्ट्रिय महिला लिग फुटबल आजबाट सुरु हुँदैछ ।

त्रिपुरेश्वरस्थित दशरथ रंगशालामा दुई विभागीय टिम त्रिभुवन आर्मी क्लब र नेपाल पुलिस क्लबबीचको खेलसँगै महिला लिग सुरु हुनेछ ।

आर्मी र पुलिसबीचको उद्घाटन खेल अपरान्ह २ बजे सुरु हुनेछ ।

काठमाडाैं । महिला राष्ट्रिय लिग फुटबल आजदेखि सुरु हुँदैछ । पहिलो पटक डबल राउण्ड रोबिनको आधारमा आयोजना हुन लागेको महिला लिगमा ७ टोलीको सहभागीता रहेको छ ।

तीन विभागीय टोली (शसस्त्र प्रहरी बल एपीएफ, नेपाल पुलिस क्लब, त्रिभुवन आर्मी फुटबल क्लब) सहित चौदण्डीगढी नगरपालिका, वालिङ नगरपालिका, चन्द्रपुर नगरपालिका र विराटनगर महानगरपालिकाले उपाधिका लागि प्रतिस्पर्धा गर्ने छन् ।

लिगको उद्घाटन खेलमा एन्फाले दर्शकलाई नि:शुल्क प्रवेशको सुविधा दिएको छ । उद्घाटनपछिका अन्य खेलहरु भने एन्फाको मैदान सातदोबाटोमा हुनेछन् ।

 

फाइनल चरणका खेल विराटनगरमा गर्ने तयारी हुँदै गर्दा कोरोना भाईरसका कारण प्रतियोगिता सरेको थियो ।