अर्थतन्त्र

सुनको मूल्यमा गिरावट

• गाउँ सहर डेस्क
• ७ पौष मंगलबार, २०७७ | १२:३६:०० मा प्रकाशित

काठमाडौँ। सुनको मूल्यमा गिरावट आएको छ । स्थानीय बजारमा आज सुनको मूल्य प्रतितोला रु ३०० ले गिरावट आएको हो । छापावाला सुन प्रतितोला रु ९४ हजार ९०० मा कारोवार हुने गरी तोकिएको छ । छापावाला सुन सोमबार प्रतितोला रु ९५ हजार २०० मा कारोवार भएको थियो ।

यस्तै तेजाबी सुन आजका लागि प्रतितोला रु ९४ हजार ४०० मा कारोवार हुने गरी तोकिएको नेपाल सुनचाँदी व्यवसायी महासङ्घले जनाएको छ । तेजाबी सुन प्रतितोला रु ९४ हजार ७०० मा सोमबार कारोवार भएको थियो ।

यसैगरी चाँदी प्रतितोला रु पाँचले घटेको छ । प्रतितोला रु एक हजार ३२० मा सोमबार कारोवार भएको चाँदी आज भने प्रतितोला रु एक हजार ३१५ मा कारोवार हुने गरी तोकिएको महासंघले बताएको छ ।