गाउँ सहर

आरीघोप्टे वर्षाले बाढी, कटान र डुबानकाे कहर, देशका अधिकांश स्थानकाे जनजीवन प्रभावित

• गाउँ सहर संवाददाता
• १९ असोज आइतबार, २०८२ | ०६:४७:०० मा प्रकाशित

काठमाडौँ । निरन्तर वर्षाका कारण खोलाहरूमा पानीको बहाव बढ्दा देशका अधिकांश स्थानहरूमा कटान र डुबानको कहर बढेकाे छ ।

बाढी बढेपछि जोखिमयुक्त बस्तीका बासिन्दालाई विद्यालय तथा सामुदायिक संस्थाहरूमा स्थानान्तरण गरिएकाे छ । सतर्कताका लागि माइकिंग गरिएकाे छ ।

राजमार्ग तथा विमानस्थल बन्द छन् । क्षतिको विवरण आइसकेको छैन ।

जल तथा मौसम विभागले आगामी २४ घण्टाको पूर्वानुमान यस्तो गरेको छ:-

आज दिउँसो

दिउँसो : कोशी प्रदेश र मधेश प्रदेशका अधिकांश स्थाहरुमा पु्र्ण बदली रही बागमती प्रदेश, लु्म्विनी प्रदेशमा साधारणतया बदली र बाँकी भू-भागहरुमा आँशीक बदली रहेने छ । कोशी प्रदेश र मधेश प्रदेशका धेरै स्थानहरूमा तथा बाँकी प्रदेशका पहाडी र तराई भू-भागका केही स्थानहरूमा मेघगर्जन/चट्याङ सहित मध्यम वर्षाको सम्भावना रहेको छ । कोशी प्रदेश र मधेश प्रदेशका एक दुइ स्थानमा भारी वर्षाको सम्भावना रहेको छ ।

आज राति

राति : कोशी प्रदेश, मधेश प्रदेश, बागमती प्रदेश लगायत देशका पहाडी भू-भागमा साधारणतया बदली रही बाँकी भू-भागमा आंशिक बदली रहने छ । कोशी प्रदेश, मधेश प्रदेश, बागमती प्रदेशका लगायत देशका पहाडी भू-भागका केही स्थानहरू र बाँकी भू-भागका थोरै स्थानहरूमा मेघगर्जन/चट्याङ सहित मध्यम वर्षाको सम्भावना रहेको छ । कोशी प्रदेशका पहाडी भू-भागका एक-दुई स्थानमा भारी वर्षा सम्भावना रहेको छ ।

हाल देशभर बंगालको खाडीबाट आएको जलवाष्प युक्त हावा (मनसुनी वायूको) प्रभाव रहेको छ ।