विश्व

भ्रष्टाचार मुद्दामा बंगलादेशी पूर्वप्रधानमन्त्री खालिदाले पाइन् सफाइ

• एजेन्सी
• ३ माघ बिहीबार, २०८१ | ०९:५३:०० मा प्रकाशित

बंगलादेश। बंगलादेशको सर्वोच्च अदालतले बुधबार पूर्वप्रधानमन्त्री तथा बिएनपी नेतृ खालिदा जियालाई भ्रष्टाचार मुद्दामा सफाइ दिएको छ।

सर्वोच्च अदालतले उच्च अदालतको फैसला उल्टाउँदै खालिदाको १० वर्षको सजायलाई खारेज गरेको हो। उनी गत अगस्टमा जेलबाट छुटेकी थिइन्।

७९ वर्षीय पूर्वप्रधानमन्त्रीले उच्च अदालतको फैसलाविरुद्ध पुनरावेदन दायर गरेकी थिइन्। प्रधानन्यायाधीश डा. सैयद रफतको अध्यक्षतामा रहेको इजलासले उक्त फैसला सुनाएको हो। अदालतले फैसलाको कारण खालिदा र अन्यविरुद्ध बदला लिने नियत रहेको उल्लेख गरेको छ।

ढाका ट्रिब्यूनको रिपोर्टअनुसार खालिदा जियाबाहेक, बीएनपी कार्यवाहक अध्यक्ष तारिक रहमान र अन्यलाई पनि रिहा गरिएको छ। उनीहरू सबैलाई जिया अनाथालय ट्रस्ट घोटाला प्रकरणमा दोषी ठहर गरिएको थियो।