गाउँ सहर

सरकारको कमजोरी तथा भ्रष्टाचारविरुद्ध उत्रने शक्ति नेपाली प्रेससँग छ : डा. लाेहनी

• गाउँ सहर संवाददाता
• २० बैशाख बुधबार, २०८० | ०८:१०:०० मा प्रकाशित

काठमाडाैँ । राप्रपा पूर्व अध्यक्ष तथा अर्थमन्त्री डा. प्रकाशचन्द्र लाेहनीले सरकारको कमजोरी अवस्था र अराजकता तथा भ्रष्टाचारविरुद्ध उत्रने शक्तिको रुपमा नेपाली प्रेस रहेकाे बताएका छन्। 

विश्व प्रेस स्वतन्त्रता दिवसकाे उपलक्ष्यमा डा. लाेहनीले प्रजातन्त्रमा आस्था र विश्वास राख्ने सबैको लागि आजको दिन महत्त्वपूर्ण रहेको सामाजिक सञ्जालमार्फत उल्लेख गरेका छन् । 

उनले भनेका छन्- स्वतन्त्र प्रेसलाई साधारणतया सत्तामा बस्नेले रुचाउँदैनन् । तर सत्ता र जनताबीचको सम्वन्ध बिग्रन नदिनको लागि यस क्रममा राज्यलाई जनताप्रति उत्तरदायि बनाउनको लागि प्रेसको स्वतन्त्रता अपरिहार्य हुन आउछ । नेपाली प्रेसले कायम गर्न सकोस् । निस्पक्षता र यथार्थताको मापदण्ड भित्र रहेर नेपाली जनताको कथा, व्यथा, पीडा र उपलब्धिलाई सधैँ उजागर गर्न सकोस् भनि विश्व प्रेस दिवसको अवसरमा शुभकामना व्यक्त गर्दछु ।