विश्व

चीनमा सरकारविरुद्ध आन्दोलन चर्किएसँगै विश्व बजारमा कच्चा तेलको मूल्य घट्यो

  • एजेन्सी
  • १२ मङ्सिर सोमबार, २०७९ | १६:१७:०० मा प्रकाशित

चीन । चीनमा कोरोना बढ्दै गएपछि सरकारले अवलम्बन गरेको ‘शून्य कोभिड पोलिसि’ विरुद्ध यतिबेला चीनभर आन्दोलन चर्किरहेको छ ।  आन्दोलन चर्किएसँगै विश्व बजारमा कच्चा तेलको मूल्य घट्न थालेको छ ।

समाचार संस्था रोयटर्सले विश्वको सबैभन्दा ठूलो तेल आपूर्तिकर्ता चीनमा आन्दोलन हुँदा माग घट्ने भएकाले मूल्य घट्न थालेको उल्लेख गरेको छ । तेलसम्बन्धी जानकारी दिने साइट ओयल प्राइस डटकमका अनुसार आज सोमबार मात्रै कच्चा तेलको मूल्य ३ प्रतिशतभन्दा बढीले घटेको छ ।

आज डब्लूटीआई कच्चा तेलको मूल्य प्रतिब्यारेल ३ प्रतिशत अर्थात प्रतिब्यारेल २.२९ डलरले घटेको छ । यससँगै, डब्लुटीआई कच्चा तेलको मूल्य प्रतिब्यारेल ७३.९९ अमेरिकी छ । यस्तै, आज ब्रेन्ट कच्चा तेलको मूल्य प्रतिब्यारेल ३.११ प्रतिशत अर्थात २.६० डलरले घटेको छ ।

चीन विश्वको सबैभन्दा ठूलो कच्चा तेलको आयतकर्ता हो । यस्तै, चीन अमेरिकापछि विश्वकै ठूलो पेट्रोलियम पदार्थको खपतकर्ता समेत हो । चीनमा सरकारविरुद्ध आन्दोलन बढ्न थालेपछि सवारी आवागमन ठप्प हुने र तेलको आपूर्ति घट्ने आकलन गर्न थालिएको छ ।

एजेन्सी

तपाईँको मत