स्वास्थ्य

हैजा बारे जानाैँ, बुझाैँ र सचेत रहाैँ

काठमाडाैँ । गर्मी तथा वर्षा याम सुरू भएसँगै झाडापखाला, हैजा जस्ता राेगहरू फैलने भन्दै सावधानी र सतर्कता अपनाउन स्वास्थ्य तथा जनसंख्या मन्त्रालयले अनुराेध गरेकाे छ ।

पखालाका जाेखिममा काे बढी पर्छन् ?

  • स्तनपान नगराइ बाेतलकाे दूध खुवाइएका बच्चाहरू
  • कुपाेषित बालबालिका
  • दुषित खाना र पानी खाएमा
  • व्यक्तिगत सरसफाइमा ध्यान नदिएमा
  • खाेप नपाएका बच्चाहरू ।

लक्षणहरू

  • पेट दुख्ने
  • बान्ता हुने
  • असाध्यै तिर्खा लाग्ने
  • पातलाे दिसा हुने ।

पखाला लाग्नबाट बच्ने उपाय

  • चर्पीमा मात्र दिसा पिसाव गर्ने
  • दिसा पिसाव गरिसकेपछि साबुनपानीले मिचिमिची हात धुने
  • खाना बनाउनु, खुवाउनु र खानु अघि साबुनपानीले मिचिमिची हात धुने
  • पानी उमालेर, फिल्टर गरेर वा एक लिटर पानीमा ३ थाेपा क्लाेरिन झाेल मिलाएर मात्रै पिउने
  •  बासी, सडेगलेकाे, झिँगा भन्केकाे खानेकुरा नखाने
  • खानेपाीकाे मुहान सफा र सुरक्षित राख्ने ।

घरैमा उपचार गर्ने ५ नियम

  • झाडापखाला हुनासाथ एक लिटर सफा पानीमा एक पुरिया जीवनजल राखी राम्ररी घाेल्ने र पटकपटक खुवाउने
  • पशस्त मात्रामा सफा तथा झाेल कुराहरू पटकपटक खान दिने
  • नरम तथा सजिलै पच्ने खानेकुरा थाेरै थाेरै गरी पटकपटक खुवाइरहने
  • स्वास्थ्यकर्मीले सिफारिस गरे अनुसार जिङ्क चक्कीकाे मात्रा नविराइकन खुवाउने
  • व्यक्तिगत सरसफाइमा ध्यान दिने, र स्वच्छ पानी तथा खाना खाने ।

तलका कुनै पनि लक्षण देखिएमा तुरून्तै स्वास्थ्य संस्थामा लैजाने

  • खान पिउन नसक्ने गरी बिरामी भएमा
  • दिसामा रगत देखा परेमा
  • बारम्बार बान्ता भइरहेमा
  • ज्यादै तिर्खाएमा
  • ज्वराे आएमा
  • धेरैपटक पातलाे दिसा गरेमा ।

गाउँ सहर संवाददाता