गाउँ सहर

देशभरका उपमहानगरकाे खबरः- धनगढीदेखि जितपुर सिमरासम्मकाे के छ अवस्था ?

• गाउँ सहर संवाददाता
• ४ जेठ बुधबार, २०७९ | ११:४७:०० मा प्रकाशित

काठमाडाैँ । देशभरका उपमहानगरमा पनि धेरै स्थानमा नेपाली कांग्रेसले नै लिड गरिरहेकाे छ ।

धनगढीमा स्वतन्त्रका गाेपाल हमाल १० हजार ८२५ मतका साथ कांग्रेसका नृपबहादुर वडभन्दा अगाडि छन् । उनकाे ५ हजार १६६ मात्र मत छ ।

हेटाैँडामा नेकपा एसका मीना कुमारी लामाले लिड गरेकी छन् । उनले १० हजार ४१० मत ल्याउँदा प्रतिद्वन्दी राप्रपाका दिपक बहादुर सिंहले ९ हजार ९२२ मत ल्याएका छन् ।

उता बुटवलमा कांग्रेसका खेलराज पाण्डेयले १३ हजार ६३० मत ल्याएका छन् भने प्रतिद्वन्दी एमालेका बाबुराम भट्टराइले ९ हजार ८० मत ल्याएका छन् ।

नेपालगंजमा कांग्रेका प्रशान्त विष्टले १३ हजार ५४७ मत ल्याउँदा एमालेका पशुपति दयाल मिश्राले ६ हजार ३९७ मत ल्याएका छन् ।

धरानमा कांग्रेसका किशाेर राइले ७ हजार ७१७ मत ल्याएका छन् । प्रतिद्वन्दी हर्कराज राइले ७ हजार ४६१ मत ल्याएका छन् ।

इटहरीमा रूखका हेमकर्ण पाैडेलले १३ हजार ७७९ मत ल्याएका छन् भने सूर्यका यामकुमार चुङवाङ सुब्बाले ११ हजार ५६५ मत ल्याएका छन् ।

घाेराहीमा सूर्यका नरूलाल चाैधरी अगाडि छन् । उनले २५ हजार २५९ मत ल्याउँदा माकेका हेमराज शर्मा पाैडेलले २० हजार ५१४ मत ल्याएका छन् ।

तुलसीपुरमा कांग्रेका गेहेन्द्र गिरी ४६२ र एमालेका टिकाराम खड्का ४५४ मतमा छन् ।

जनकपुरधाममा मनाेजकुमार साह ३ हजार ९५६ र शिवशंकर साहले २ हजार ८६ मत प्राप्त गरेका छन् ।

यस्तै कलैयामा विनाेदप्रसाद साह जाे एमालेका हुन्, उनले ११ हजार ७५२ मत ल्याउँदा कांग्रेसका राजेश राय यादवले ७ हजार ६८८ मत ल्याएका छन् ।

र जितपुर सिमरामा माकेका राजन पाैडेलले अग्रता लिएका छन् । उनले १७ हजार ९३ मत ल्याउँदा उनका प्रतिद्वन्दी सरस्वतीदेवी चाैधरी एमालेकी, उनले १५ हजार ४३६ मत ल्याएर पछ्याइरहेकी छन् ।