इद पर्वले नेपाली राष्ट्रिय एकता र अखण्डता थप मजबुत बनाउने - प्रधानमन्त्री देउवा
- गाउँ सहर संवाददाता
- २० बैशाख मंगलबार, २०७९ | ०६:४७:०० मा प्रकाशित
काठमाडौँ । राष्ट्रपति विद्यादेवी भण्डारीले संविधानले सबैलाई समान अवसर प्रदान गरेको बताएकी छन् । इस्लाम धर्मावलम्बीहरूको महान् पर्व इद (इद उल फित्र) का अवसरमा शुभकामना सन्देश दिँदै उनले विविधता नै नेपाली समाजको पहिचान र सामर्थ्य रहिआएको बताएकी हुन् ।
उनले अनेकौँ जातजाति, भाषा, धर्म र संस्कृतिलाई आत्मसात् गरी राष्ट्रिय एकता प्रवर्द्धन गर्नु सबैको साझा कर्तव्य रहेको सन्देशमा बताएकी छन् । इद पर्वले विविधतायुक्त नेपाली समाजमा विद्यमान सहिष्णुता र सहकार्यको संस्कृतिलाई थप सुदृढ बनाउन मद्दत पु-याएको शुभकामना सन्देशमा उल्लेख छ ।
राष्ट्रपति भण्डारीले इस्लाम समुदायमा रहेको दान गर्ने परम्पराका साथै इदका अवसरमा मान्यजनबाट आशीर्वाद लिने एवं आपसमा खुसी आदानप्रदान गर्ने प्रचलनले मानवीय पक्षलाई प्रतिविम्बित गर्ने चर्चा गर्दै इद पर्वले इस्लाम समुदायको मौलिक संस्कृति र परम्पराको संरक्षण र सम्बर्द्धन गर्न टेवा पुग्ने उल्लेख गरेकी छन् ।
त्यस्तै प्रधानमन्त्री शेरबहादुर देउवाले इद पर्वले नेपाली राष्ट्रिय एकता र अखण्डता थप मजबुत बनाउने उल्लेख गरेका छन् । इद (इद उल फित्र) का अवसरमा शुभकामना सन्देश दिँदै उनले इद पर्वले समुदायहरूबीच आपसी सद्भाव अभिवृद्धिमा प्रेरणा प्रदान गर्ने विश्वास व्यक्त गरेका हुन् । उनले धार्मिक, सांस्कृतिक विविधताभित्रको एकता हाम्रो पहिचान भएको बताएका छन् ।
यस अवसरमा शुभकामना सन्देश दिँदै उनले “धर्म, संस्कार र संस्कृतिहरू हाम्रा अमूल्य निधि हुन्, यस्ता अमूल्य निधिको संरक्षण र सम्बर्द्धन गर्नु हामी सबैको साझा दायित्व हो” भनेका छन् । उनले राज्यले पनि यस्ता अमूल्य निधिको संरक्षण, विकास र प्रवर्द्धनको नीति लिएको स्पष्ट पार्दै हाम्रा चाडपर्व, सांस्कृतिक रीतिरिवाज र रहनसहनको संरक्षण र सम्बर्द्धन गर्न यस पर्वले सबैलाई थप प्रेरणा मिल्ने विश्वास व्यक्त गरेका छन् ।
यसैबीच आज सरकारले सार्वजनिक बिदा दिएको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- एनपीएलको उद्घाटन खेलमा सुदूरपश्चिम ८७ रनमै अलआउट
- कात्तिक १७ र १८ गते भिटामिन ‘ए’ र जुकाको औषधि खुवाइने
- आजदेखि एनपीएलको महासंग्राम, उद्घाटनमै लुम्बिनी र सुदूरपश्चिमको भिडन्त
- एनपीएलको विजेतालाई १ करोड ५० लाख
- दसैँमा उपत्यकामा ९७ करोडको खसीबोका र च्याङ्ग्रा कारोबार
- बडादसैँको अन्तिम दिन: देवी महालक्ष्मीको पूजा आराधना गरिँदै
- आगामी पाँच दिन देशका हिमाली र पहाडी क्षेत्रमा आंशिक बदली, केही स्थानमा वर्षा र हिमपातको सम्भावना
- पश्चिमी वायुको आंशिक प्रभाव, हिमाली र पहाडी क्षेत्रमा हल्का वर्षा र हिमपातको सम्भावना
- दशैँको टीका र आशीर्वाद थाप्ने क्रम आज त्रयोदशीकाे दिन पनि जारी
- भक्तपुरमा ४६औँ नेपालभाषा साहित्य तःमुंज्या सुरु
प्राप्त प्रतिक्रिया
तपाईँको मत
.png)
प्रतिकृया दिनुहोस