गाउँ सहर

मुस्लिम धर्मावलम्वीहरूले आज इद उल फित्र मनाए

• गाउँ सहर संवाददाता
• १८ चैत सोमबार, २०८१ | ०९:५६:०० मा प्रकाशित

काठमाडाैँ । मुस्लिम धर्मावलम्वीहरूले आज इद उल फित्र मनाएका छन् ।आज बिहानै मुस्लिम धर्मावलम्वीहरुले शुद्ध भइ नजिकैको मस्जिद वा इदगाहमा गइ सामुहिक नमाज पढी एक आपसमा मित्रवत रूपमा शुभकामना साटासाट गरेका छन् ।

इद उल फित्र मुस्लिम समुदायको महत्वपूर्ण चाडमध्ये एक हो । यो चाड इस्लामिक पात्रोअनुसार नवौँ महिना रमजानभर गरिएको उपवास (रोजा) को समापनमा मनाइन्छ । काठमाडौँको जामे मस्जिद, टुँडिखेलमा नमाज अदा गरेर इद उल फित्र मनाइरहेका छन् । देशभरका विभिन्न मस्जिदहरूमा मुस्लिम धर्मावलम्वीहरुको भीड छ ।

साेमबार सरकारले इदकाे उपलक्ष्यमा सार्वजनिक विदासमेत दिएकाे छ ।