गाउँ सहर

२३ तोला काँचो सुनसहित पाँचलाख रुपैयाँ नगद चाेरी

• गाउँ सहर संवाददाता
• १४ बैशाख बुधबार, २०७९ | १२:३५:०० मा प्रकाशित

काठमाडाैं । बुटवलमा लाखौँ रुपैयाँको सुनचाँदी चोरी भएको छ । बुटवल ६ विपी चोकमा रहेको कोटेश्वर गुल्मेली मजुवा सुनचाँदी पसलबाट २ किलो सुनका तयारी गरगहना , २३ तोला काँचो सुन र नगद ५ लाख चोरी भएको जिल्ला प्रहरी कार्यालय रुपन्देहीले जानकारी दिएकाे छ । 

हिजो राति पसल फोडेर सुनका गरगहना र नगद चोरी भएको प्रहरी प्रवक्ता नवरत्न पौडेलले जनाएका छन् । सञ्चालक डिलबहादुर सुनारका अनुसार रातको समयमा वेल्डिङ्ग मेसिनको प्रयोग गरेर तालाचावी फोडेर चोरी गरिएको छ । चोरी गर्ने व्यक्ति सीसीटीभी फुटेजमा स्पष्ट रुपमा देखिएकोले चोरी योजनाबद्ध नै भएको देखिने प्रहरीले बताएको छ ।

यस सम्बन्धमा थप अनुसन्धान भइरहेकाे प्रहरीले बताएकाे छ ।