अर्थतन्त्र

झिनो अंकले सुधारियाे शेयर बजार, एक अर्ब ४५ करोडमाथिकाे काराेबार

• गाउँ सहर संवाददाता
• ८ बैशाख बिहीबार, २०७९ | १५:३०:०० मा प्रकाशित

काठमाडाैं । नेप्से साताको कारोबारको अन्तिम दिन बिहिबार झिनो अंकले सुधारिएकाे छ । आज नेप्से ४.९४ अंकले बढेर दुई हजार ३ सय २५ दशमलब ४५ विन्दुमा रोकिएको हो । बुधबार नेप्से ३६.७३ अंकले घटेर दुई हजार ३ सय २० दशमलब ५१ विन्दुमा बन्द भएको थियो । 

आज कारोबार रकममा पनि सामान्य सुधार भएको छ । आज नेप्सेमा एक अर्ब ६२ करोड ९१ लाख रुपैयाँ बराबरको कारोबार भएको नेप्सेले जनाएकाे छ । बुधबार नेप्सेमा एक अर्ब ४५ करोड ८७ लाख रुपैयाँ बराबरको कारोबार भएको थियो । 

नेप्सेका अनुसार आज कारोबार भएका १०० कम्पनीको शेयरमूल्य बढेको छ भने ८६ कम्पनीकोे शेयरमूल्य घटेको छ । यसमध्ये दुई कम्पनीको शेयरमूल्यमा भने उच्च वृद्धि भएको छ । आज जाल्पा सामुदायिक समृद्धी लघुवित्त वित्तीय संस्था र ग्रीन भेञ्चर लिमिटेडको शेयरमूल्यमा सकारात्मक सर्किट लागेको छ । जाल्पा सामुदायिक समृद्धी लघुवित्त वित्तीय संस्थाको शेयरमूल्य १० प्रतिशतले बढेर प्रतिकित्ता ७०९.७० रुपैयाँ पुगेको छ भने ग्रीन भेञ्चर लिमिटेडको शेयरमूल्य प्रतिकित्ता १० प्रतिशतले बढेर प्रतिकित्ता ३६०.८० रुपैयाँ पुगेको छ ।  

आज घलेमदी हाइड्रोका लगानीकर्ताहरुले सर्वाधिक गुमाएका छन् । यस कम्पनीको शेयरमूल्य ६ प्रतिशतले घटेको छ । त्यस्तै, कारोबारको आधारमा आज सबैभन्दा बढी नेष्डो समृद्ध लघुवित्त वित्तीय संस्थाको भएको छ । यस कम्पनीको आज १० करोड ३६ लाख भन्दा बढीको कारोबार भएको नेप्सेले बताएकाे छ ।