स्वास्थ्य

काेराेना अपडेट : २६ जनामा कोरोना पुष्टि, ७७ जना डिस्चार्ज

• गाउँ सहर संवाददाता
• १६ चैत बुधबार, २०७८ | १६:५२:०० मा प्रकाशित

काठमाडाैं । नेपालमा  पछिल्लो २४ घण्टामा देशभर २६ जना कोभिड १९ संक्रमित थपिएकाे स्वास्थ्य तथा जनसंख्या मन्त्रालयले जानकारी दिएकाे छ । 

पछिल्लो २४ घण्टामा कोरोनाबाट कसैको पनि मृत्यु भएको छैन । हालसम्म कोरोनाबाट ११ हजार ९५१ जनाले ज्यान गुमाएका छन् ।

मन्त्रालयका अनुसार पाँच हजार १९२ वटा नमुनामा परीक्षण गर्दा २६ जनामा संक्रमण पुष्टि भएको हो ।

आज ७७ जना संक्रमणमुक्त भएका छन् । योसँगै देशभर सक्रिय संक्रमितको संख्या एक हजार १४६ पुगेको मन्त्रालयले जनाएकाे छ ।

गत चौबीस घण्टामा ३ हजार ९४० पीसीआर तथा १ हजार २५२ एन्टिजेन परीक्षण भएको छ।

आज देशभरको औसत संक्रमणदर ०.६ प्रतिशत रहेको स्वास्थ्य तथा जनसंख्या मन्त्रालयले बताएकाे छ ।