गाउँ सहर

शैलुङ्ग साहित्यक-सांस्कृतिक महोत्सवमा केपी ओली सहभागी हुने

• गाउँ सहर संवाददाता
• १७ फाल्गुण मंगलबार, २०७८ | ११:५३:०० मा प्रकाशित

रामेछाप । शैलुङ्गमा साहित्यक-सांस्कृतिक महाेत्सव हुने भएकाे छ । 

रामेछाप र दोलखाको सिमानामा रहेको रमणीय पर्यटकीय क्षेत्र शैलुङ्गमा फागुन २० गते साहित्यिक महोत्सव हुन लागेकाे हाे । 

महोत्सवको नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले उद्घाटन गर्ने कार्यक्रम रहेको छ । कार्यक्रममा देशका प्रतिष्ठित साहित्यकारहरूको सहभागीता रहने छ ।

रामेछापको दोरम्बा शैलुङ्ग गाउँपालिका, दोलखाको शैलुङ्ग र मेलुङ्ग गाउँपालिकाले कार्यक्रमको व्यवस्थापन गर्ने भएका छन् । जिल्ला समन्वय समिति रामेछापका प्रमुख प्रेमबहादुर खड्का तथा दोलखाको जिल्ला समन्वय समिति प्रमुख डवलकाजी पाण्डेको उपस्थितिमा आइतबार दोलखाको कालापानीमा बसेको बैठकले कार्यक्रमलाई व्यवस्थित र भव्य बनाउने निर्णय गरेको छ ।

स्थानीय एवम् पश्चिमी रामेछाप पर्यटन विकास केन्द्र, दोरम्बाका अध्यक्ष दावा सङबु शेर्पाका अनुसार महाेत्सवले पर्यटकीयस्थल शैलुङ्गकाे प्रचार प्रसारमा थप सहयाेग पुग्ने बताए ।

उनले भने- 'महाेत्सवमा रामेछापकाे सुन्दर टापु साहित्यिक मालामा पनि उनिनेछ भन्ने विश्वास लिएकाे छ । यसले पर्यटन प्रवर्धनमा पनि सघाउ पुग्ने अपेक्षा स्थानीयबासीले लिएका छन् । शैलुङ्गमा साहित्यक-सांस्कृतिक महाेत्सव गर्न पाउनु गर्वकाे कुरा पनि हाे ।'