खेल

महिला क्रिकेट : सुदूरपश्चिम प्रदेशलाई ६ विकेटले पराजित गर्दै एपिएफको जित

• गाउँ सहर संवाददाता
• ११ फाल्गुण बुधबार, २०७८ | १४:०६:०० मा प्रकाशित

काठमाडाैं । सशस्त्र प्रहरी बल (एपीएफ) ले लगातार दोस्रो जित हात पारेकाे छ । ललितपुर मेयर महिला टी–ट्वान्टी क्रिकेट च्याम्पियनसिपमा सशस्त्र प्रहरी बल (एपीएफ) ले लगातार दोस्रो जित हात पार्न सफल भएकाे हाे । 

त्रिवि क्रिकेट मैदानमा बिहीबार भएको खेलमा एपिएफले सुदूरपश्चिम प्रदेशलाई ६ विकेटले पराजित गर्दै प्रतियोगितामा दोस्रो जित दर्ता गराएको हो । यसअघि एपिएफले पहिलो खेलमा प्रदेश १ लाई ६ विकेटले पराजित गरेको थियो ।

सुदूरपश्चिमले भने पहिलो खेलमा ललितपुर मेयर्स–११ लाई ५८ रनले पराजित गरेको थियो । आजको खेलमा सुदूरपश्चिमले दिएको ९० रनको लक्ष्य एपिएफले १६ दशमलब ५ ओभरमा ४ विकेट गुमाएर पूरा गर्‍यो । 

एपिएफको जितमा रोमा थापाले अविजित रहदै सर्वाधिक २३ रनको योगदान दिइन् । त्यसैगरी ममता चौधरी १४ रनमा अविजित रहिन् भने ज्योति पाण्डेले ११, इन्दु बर्माले १० तथा सरिता मगरले ९ बनाइन् ।