गाउँ सहर

आमाको हत्या गर्ने छोरा पक्राउ

मोरङ  । चिरपट प्रहार गरी हत्या गरेको आरोपमा प्रहरीले एक जनालाइ पक्राउ गरेकाे छ । ७० वर्षीया आमा चन्द्रमाया भण्डारीलाई चिरपट प्रहार गरी हत्या गरेको आरोपमा प्रहरीले उर्लाबारी नगरपालिका–४ आइतबारे बस्ने ३५ वर्षीय गंगा प्रसाद भण्डारीलाई पक्राउ गरेको हाे ।

उनलाई आइतबार राति पक्राउ गरिएको प्रहरीले जानकारी दिएकाे छ । 

घरायसी बिवादको क्रममा उनले आफ्नै आमालाई चिरपट प्रहार गरेको प्रहरीले जनाएको छ ।

भण्डारी गम्भीर घाइते भएको भन्ने खबर प्राप्त हुनासाथ ईलाका प्रहरी कार्यालय उर्लाबारीबाट खटिएको प्रहरीले उनलाई पक्राउ गरेको जानकारी दिएकाे छ । 

गम्भीर घाइते चन्द्रमायाको मदन भण्डारी अस्पताल हुँदै ट्रमा सेण्टर मंगलबारेमा उपचारको क्रममा मृत्यु भएको प्रहरीले बताएकाे छ । 

गाउँ सहर संवाददाता