गाउँ सहर

पसलको सटर फोडेर चोरी गर्ने दुई जना पक्राउ

काठमाडाैं । प्रहरीले पसलको सटर फोडेर चोरी गरिरहेको अबस्थामा दुई जनालाई पक्राउ गरेकाे छ । कैलालीमा पसलको सटर फोडेर चोरी गरिरहेको अबस्थामा दुई जनालाई पक्राउ गरेकाे हाे । जिल्लाको गोदवारी नगरपालिका –१ अत्तरिया बजारको चौधरी गल्ली भित्र रहेको एक किराना पसलको सटर फोडेर चोरी गरिरहेको अबस्था गएराति रंगेहात दुई जनालाई प्रहरीले पक्राउ गरेको जानकारि दिएकाे छ ।

पक्राउ पर्नेहरुमा गोदावरी नगरपालिका वडा नं ८ स्याउले घर भएका राजेश बिष्ट र कञ्चनपुरको दैजी घर भएका मन्नु लुहार रहेको ईलाका प्रहरी कार्यालय मालाखेतीले जनाएको छ । उनीहरुको साथवाट नगद र केही जिन्सी सामानहरु बरामद गरिएको प्रहरीले जनाएको छ ।

पक्राउ परेका दुवै जनालाई चौधरी गल्ली भित्र रहेको बाल प्रशाद घिमिरेको किराना पसलको सटर फोड्ने क्रममा राति १२ बजे प्रहरीले नियन्त्रणमा लिएको थियो ।उनीहरुले यस अघि पनि बजार क्षेत्रमा चोरीको प्रयास गरेको पाइएको छ ।

यस बिषयमा थप अनुसन्धान भैरहेको प्रहरीले बताएकाे छ ।

गाउँ सहर संवाददाता

तपाईँको मत