अर्थतन्त्र

आइतबार नेप्से ७३.१ अंकले बढ्याे, सात अर्ब १० कराेडकाे काराेबार

• गाउँ सहर संवाददाता
• २५ पौष आइतबार, २०७८ | १६:१०:०० मा प्रकाशित

काठमाडाैं । नेप्सेमा साताको कारोबारकाे पहिलो दिन आज उच्च अंकको बृद्धि भएको छ । आइतबार नेप्से ७३.१ अंकले बढेर दुई हजार ७ सय ६५ दशमलब ४७ विन्दुमा पुगेको हो । त्यस्तै, आज ७ अर्ब १० करोड १८ लाख बराबरको कारोबार भएको नेप्सेले जनाएकाे छ । 

नेप्सेका अनुसार आज नाैं वटा कम्पनीको शेयरमूल्यमा उच्च वृद्धि भएको छ । शेयरमूल्यमा उच्च वृद्धि हुने कम्पनीहरुमा हिमालयन उर्जा विकास कम्पनी, युनाईटेड हाइड्रोपावर, मध्यभोटेकोशी जलविद्युत कम्पनी, नेपाल हाइड्रो डेभलपर्श, आइसीएफसी फाइनान्स, न्यादि हाइड्रोपावर, प्रोगेसिभ फाइनान्स कम्पनी, हाइड्रो इलेक्ट्रोसिटी एण्ड डेभलपमेन्ट कम्पनी र कर्पोरेट डेभलपमेन्ट बैंक रहेका छन् । यी कम्पनीको शेयरमूल्य आज सर्किट लेभलमा बढेका छन् ।  

आज धेरैजसो डिबेञ्चरको शेयरमूल्यमा सर्वाधिक गिरावट आएको छ । आज कारोबारको आधारमा सबैभन्दा बढी कारोबार अपी पावर कम्पनीको भएको छ । याे कम्पनीको  २९ करोड भन्दा बढीको कारोबार भएको नेप्सेले बताएकाे छ ।