राजनीति

कर्णालीका मुख्यमन्त्रीलाई हराउँदै सहमहान्त्रीमा बद्री पाण्डे विजयी, थारुतर्फको उमाकान्त चौधरी निर्वाचित

• गाउँ सहर संवाददाता
• २ पौष शुक्रबार, २०७८ | १७:०९:०० मा प्रकाशित

काठमाडौं । नेपाली कांग्रेसको पिछडिएको क्षेत्रबाट सहमहामन्त्रीमा शेखर कोइराला पक्षका बद्री पाण्डे विजयी भएका छन् । निकटतम् प्रतिद्वन्द्वी जीवनबहादुर शाहीलाई २७८ मतान्तरमा पराजित गर्दै पाण्डे विजयी भएका हुन् । 

पार्टी कार्यालय सानेपामा भएको मतगणनामा पाण्डेले २ हजार ४११ मत प्राप्त गरेका छन् । कर्णालीका मुख्यमन्त्रीसमेत रहेका शाहीले २ हजार १३३ मत प्राप्त गरेको कांग्रेस निर्वाचन समितिले जनाएको छ । यस्तै तेस्रो स्थानमा देखिएका चेतराज बजालले ९९ मत ल्याएका छन् ।

सहमहामन्त्री पदमा उमाकान्त चौधरीको निर्वाचित भएका छन् ।

त्यसैगरि पछिल्लो मत परिणाम अनुसार ४३६८ मत गन्दा उमाकान्त चौधरीले २५४५ र तेजुलाल चौधरीले १७७२ मत पाएका छन् ।

उमाकान्त चौधरी देउवा पक्षका हुन् भने तेजुलाल चौधरी डा. शेखर कोइराला पक्षका हुन् ।

तीन सय भन्दा केही मत मत गन्न बाँकी रहदा उनीहरुबीको मतान्तर सात सय भन्दा बढी भएपछि चौधरी समर्थकले विजय उत्सव मनाउन थालेका छन् ।

कृष्ण सिटौला निकट चौधरी शेरबहादुर देउवाको प्यानलबाट उम्मेदवार थिए ।