गाउँ सहर

गैँडाको आक्रमणबाट एक जनाकाे निधन

• गाउँ सहर संवाददाता
• २३ मङ्सिर बिहीबार, २०७८ | १५:००:०० मा प्रकाशित

काठमाडौँ । गैँडाको आक्रमणबाट एक जना पुरूषकाे निधन भएकाे छ । नवलपरासी (बर्दघाट–सुस्तापूर्व)को कावासोतीमा गैँडाको आक्रमणबाट कावासोती १५ शेरगञ्जका ६५ वर्षीय रेशमलाल महतको निधन भएको छ । आफ्नै घर नजिकको चउरमा बसिरहेका अवस्थामा उनलाई मध्यवर्ती क्षेत्रबाट आएको गैँडाले आक्रमण गरेको हो ।

मध्यविन्दु जिल्ला अस्पताल डण्डामा उपचारका क्रममा बुधबार राति महतको मृत्यु भएको चितवन राष्ट्रिय निकुञ्जका सूचना अधिकारी एवं सहायक संरक्षण अधिकृत गणेशप्रसाद तिवारीले जानकारी दिएका छन् । जिल्लामा निकुञ्ज र मध्यवर्ती क्षेत्रबाट निस्कने गैँडाको आक्रमणबाट बर्सेनी स्थानीयवासीले ज्यान गुमाउने गरेका छन् ।