राजनीति

देउवा पक्षबाट महाधिवेशनमा चुनाव लड्ने पदाधिकारीहरुको टिम यस्ताे छ (नामावलीसहित)

• गाउँ सहर संवाददाता
• २२ मङ्सिर बुधबार, २०७८ | १४:३८:०० मा प्रकाशित

काठमाडाैं ।  नेपाली कांग्रेस संस्थापन पक्षले आज केन्द्रीय पदाधिकारीको उम्मेदवारको नाम सार्वजनिक गर्ने भएको छ । सभापति शेरबहादुर देउवा निवास बुढानिलकण्ठमा बस्ने बैठकले सभापतिसहित १३ पदाधिकारीको नाम टुंगो लगाएर सार्वजनिक गर्ने भएको छ । 

आफ्नो समूहको बैठकमा सहभागी हुन प्रधानमन्त्रीसमेत रहेका देउवा बुढानिलकण्ठ पुगिसकेका छन् । केही समयभित्रै बैठक सुरु हुने र पदाधिकारीको प्यानल नै सार्वजनिक गर्ने तयारीसमेत भएको कांग्रेसका एक नेताले जानकारी दिए । देउवाले पार्टीको आन्तरिक निर्वाचनमा आफ्नो पक्ष बलियो भएको भन्दै फेरि सभापतिमा उठ्ने घोषणा गरिसकेका छन् ।

संस्थापन पक्षले १३ पदाधिकारीको अनौपचारिक सूचीसमेत बनाइसकेको छ । तर, त्यो सूची पदाधिकारीमा पार्न लबिइङका लागि हुनसक्ने अनुमान गरिएको छ । बालुवाटारको एउटा पक्षले त्यस्तो सूची अहिले सर्वेक्षणका लागि व्यापक रूपमा प्रचार गरिरहेको छ ।

नामावली यस प्रकार छ :

सभापति : शेरबहादुर देउवा 
उपसभापति : पूर्णबहादुर खड्का 
उपसभापति : डा‍.प्रकाशशरण महत 
महामन्त्री : बालकृष्ण खाँण 
महामन्त्री : विश्वप्रकाश शर्मा 
सहमहामन्त्री : गोविन्द भट्टराई 
सहमहामन्त्री : भिष्मराज आङ्देम्वे
सहमहामन्त्री : मीन विश्वकर्मा 
सहमहामन्त्री : महालक्ष्मी उपाध्याय 
सहमहामन्त्री : फरमुल्लाह मन्सुर 
सहमहामन्त्री : रामजनम चौधरी 
सहमहामन्त्री : जीतेन्द्र देव 
सहमहामन्त्री : जीवनबहादुर शाही