राजनीति

कांग्रेस महाधिवेशन प्रतिनिधीको नामावली सार्वजनिक (सूचीसहित)

• गाउँ सहर संवाददाता
• २२ मङ्सिर बुधबार, २०७८ | ११:३७:०० मा प्रकाशित

काठमाडौं । नेपाली कांग्रेसले नेपाली कांग्रेसले १४ औं महाधिवेशनका लागि महाधिवेशन प्रतिनिधिहरूको नामावली सार्वजनिक गरेको छ। पार्टीको वेबसाइटमार्फत् कांग्रेसले चार हजार तीन सय १९ जना महाधिवेशन प्रतिनिधिको नामावली सार्वजनिक गरेको छ । केही जिल्लाको महाधिवेशन प्रतिनिधीको भने यो सूचीमा नाम समावेश छैन ।

सर्लाहीका महाधिवेशन प्रतिनिधिको नाम टुंग्गो लागेपनि यो सूचीमा समावेश हुन बाँकी छ। सर्लाहीमा महाधिवेशन प्रतिनिधीको चुनावमा सभापति शेरवहादुर देउवा पक्षले क्लिन स्वीप गरेको छ ।

कांग्रेस केन्द्रीय कार्यसमितिका लागि एक सभापति, दुई उपसभापति, दुई महामन्त्री, आठ सहमहामन्त्रीको निर्वाचन हुने व्यवस्था छ । कोषाध्यक्ष भने निर्वाचित केन्द्रीय सदस्य मध्येबाट छानिने व्यवस्था रहेको छ ।

यसैगरी ३५ खुला केन्द्रीय सदस्य, महिला नौ, प्रत्येक प्रदेशबाट तीन जनाका दरले २१, दलित नौ, आदिवासी/जनजाति १५, खस/आर्य १३, मधेसी नौ, थारु चार, मुस्लिम तीन, पिछडिएको क्षेत्रबाट एक, अल्पसंख्यकबाट एक, अपांगबाट एक सदस्य गरी कूल १३४ पदाधिकारी तथा सदस्यको निर्वाचन हुने कांग्रेस विधानमा व्यवस्था गरिएको छ । त्यस्तै निर्वाचित बाहेक ३३ जनालाई सभापतिले मनोनित गर्ने विधानमा व्यवस्था गरिएको छ ।

कांग्रेस केन्द्रीय निर्वाचन समितिले यो सूची पारम्भिक भएको जनाएको छ ।

हेर्नुहोस सूचीसहित :