म्यानमारकी नेतृ आङ सान सुकीलाई चार वर्षको जेल सजाय
- एजेन्सी
- २० मङ्सिर सोमबार, २०७८ | १२:४१:०० मा प्रकाशित
काठमाडाैं । सेनाले कू गरी सत्ताबाट हटाएकी म्यानमारकी नेतृ आङ सान सुकीलाई चार वर्षको जेल सजाय सुनाइएको छ। प्रजातन्त्रवादी नेतृ सुकीलाई सोमबार चार वर्ष जेल सजाय सुनाइएको अन्तर्राष्ट्रिय सञ्चारमाध्यमले जनाएका छन्।
सेनाविरुद्ध भडकाउ गतिविधि गरेको र कोरोना भाइरसको संक्रमण नियन्त्रणका लागि लागू गरिएको नियम उल्लंघन गरेको आरोपमा सुकीलाई म्यानमारको अदालतले चार वर्षको जेल सजाय सुनाएको हो।
सुकीमाथि सत्तामा रहेको सैनिक सरकारले कुल ११ वटा अभियोग लगाएको छ। ती सबै आरोप सुकीले अस्वीकार गर्दै आएकी छन्। गएको फेब्रुअरीदेखि उनलाई सेनाले घरमै बन्धक बनाएर राखेको छ। अदालतको फैसलापछि सुकीलाई जेलमा सारिने छ वा घरमै बन्दी बनाएर राखिने छ भन्ने स्पष्ट छैन।
७६ वर्षकी सुकीको पार्टी नेशनल लिग फर डेमोक्रेसी (एनएलडी) का नेता तथा पूर्वराष्ट्रपति विन मिन्टलाई पनि चार वर्षको जेल सजाय भएको छ।
एजेन्सी
सम्पूर्ण देशका मुख्य समाचार संस्थाहरू ।
- ताइवानमा ६.३ म्याग्निच्युडको भूकम्प
- १ हजार करोड खर्च गरेर अनन्त अम्बानी चाँडै राधिका मर्चेन्टसँग विवाह गर्दै
- तीर्थयात्री बोकेको ट्र्याक्टर पोखरीमा खस्दा २२ जनाको मृत्यु
- विश्वव्यापी वृद्धिको पूर्वानुमानित लक्ष्य प्राप्ति गरेपनि अझै सम्भावित जोखिमप्रति सचेत हुन आवश्यक
- बंगलादेशमा संसदको ३०० निर्वाचन क्षेत्रमध्ये २९९ सिटका लागि आज मतदान
- गाजा पट्टीमा इजरायली हमलामा मृत्यु हुने प्यालेस्टाइनीको सङ्ख्या २२ हजार ६००
- स्वीडेनमा २५ वर्ष यताकै बढी चिसो
- जलवायु परिवर्तन : विकासोन्मुख मुलुकहरू सबैभन्दा बढी प्रभावित
- संयुक्त राष्ट्रसङ्घद्वारा इजरायल र हमासबीचको द्वन्द्वमा दुवै पक्षबाट युद्ध अपराध भइरहेकामा चिन्ता व्यक्त
- क्यानाडाले भारतबाट ४१ कूटनीतिज्ञ र उनीहरूको परिवारका ४२ सदस्यलाई फिर्ता बोलायाे
प्रतिकृया दिनुहोस