गाउँ सहर

सवारी दुर्घटनामा परी एक जनाकाे मृत्यु

• गाउँ सहर संवाददाता
• १३ मङ्सिर सोमबार, २०७८ | १३:४७:०० मा प्रकाशित

झापा । सवारी दुर्घटनामा परी एक जनाकाे मृत्यु भएको छ । कनकाई नगरपालिका–८ स्थित पूर्वपश्चिम राजमार्गको विरिङ पुलमा भएको सवारी दुर्घटनामा परी एक जनाको मृत्यु भएको छ भने २२ जना घाइते भएका छन् । 

पूर्वबाट पश्चिमतर्फ जाँदै गरेको ना ५ ख ८०४१ नम्बरको बस आइतबार अनियन्त्रित भई पुलको रेलिङमा ठोक्किएर दुर्घटना हुँदा कनकाई–७ का १६ वर्षीय उत्सव पौडेलको मृत्यु भएको जिल्ला प्रहरी कार्यालयले जनाएको छ । घाइते भएकामध्ये ११ जनाको बिर्तामोडस्थित बिएण्डसी अस्पताल र १२ जनाको बिर्तासिटी अस्पताल बिर्तामोडमा उपचार भइरहेको छ ।

यस सम्बन्धमा थप अनुसन्धान भइरहेको प्रहरीले बताएकाे छ ।